કોરોના વાયરસને કારણે લગભગ છેલ્લા બે મહિનાથી લોકડાઉન સમય ચાલી રહ્યો છે. લોકો ઘરમાં બંધ રહી કાંટાળી રહ્યા છે. જાણે મનુષ્યનું જીવન સ્થગિત થઈ ગયું છે. જો કે હંમેશા દોડતી ભાગતી જિંદગી એક ખૂણે શાંત બેસીને આરામની ક્ષણો માણી રહી છે. વાહનોના અવાજ અને પ્રદૂષણ વચ્ચે ઘેરાયેલા રહેતા શહેરોની હવા હમણાંથી શાંતિ અને તાજગી અનુભવી રહી છે.
એક તરફ લોકો ફરીથી કામધંધે ચડવાના અને સામાન્ય જીવન બનાવવાના સપના જોઈ રહ્યા છે ત્યારે એક બીજી ચિંતા પણ સતાવી રહી છે, એક વર્ગ કહે છે કે લોકડાઉન ખૂલ્યા પછી પ્રકૃતિ ફરી સમેટાઈ જશે. ફરીથી શહેર ઘોંઘાટમાં ડૂબી જશે. કેનવાસ ઉપર દોરાયેલા હોય તેવા પ્રાકૃતિક દ્રશ્યો ફરી ઝાંખા પડી જશે.
આજે જ્યારે લોકડાઉન ની સ્થિતિ વચ્ચે પ્રકૃતિ પોતાના અસલ રંગમાં ખીલેલી છે ત્યારે હવે મોટા મોટા શહેરમાં પણ વાહન વ્યવહાર બંધ હોવાને કારણે રોડ રસ્તા પર પ્રદુષણ ન હોવાથી નાગરિકો હાશકારો પણ અનુભવી રહ્યા છે. લોક ડાઉન દરમિયાન માર્ગો પરથી વાહનોની અવરજવર પણ સાવ જ ઓછી થઈ ગઈ છે.માર્ગની બંને બાજુના વૃક્ષો પર ખીલેલ ફૂલો અને માર્ગની બંને બાજુ પથરાયેલ નયનરમ્ય ફૂલોની ચાદર આકર્ષણનુ કેન્દ્ર બન્યા છે.
રસ્તાની બન્ને તરફ આવેલ ગુલમ્હોરના વૃક્ષ અને તેના ફૂલોની ચાદર આંખોને ઠંડક આપે છે. હાલમાં લોકડાઉનના કારણે રસ્તાઓ સુમસામ ભાસી રહ્યા છે. ત્યારે ઉનાળાની ગરમી અને કોરોના સંકટ વચ્ચે પ્રકૃતિના મિઝાઝનો આનંદ માત્ર પ્રકૃતિ જ નિહાળી રહી છે તેવું જણાઈ આવે છે.
રોજ સવારે સુરજથી પણ વહેલા જાગી ભાગતા લોકો આજકાલ પક્ષીઓના કલરવથી ઉઠે છે. વાહનોના અવાજમાં દબાઈ ગયેલા પ્રકૃતિના સૂરો આજકાલ દરેક શહરમાં ગુંજી ઉઠયા છે. મુંબઈ જેવા શેહરોમાં પણ પક્ષીઓ ઘરની બારી ડોકાઈને ટહુકી રહ્યા છે. અમુક મોટા શહેરમાં દીપડો દેખાયો છે તો અમુક શહેરમાં નીલ ગાય દેખાઈ છે,
આજકાલ ઇન્ટરનેટ ઉપર એક વિડીયો વાયરલ થઈ રહ્યો છે , જેની ઉપર લખેલું છે કે લોકડાઉન પછી આવા દ્રશ્યો ક્યારેય જોવા નહીં મળે. યઅ વિડીયોમાં પક્ષીઓના ટોળેટોળાં રસ્તા ઉપર ઉતરી આવ્યા છે. મોરના આવા ઝૂંડને મુખ્ય રસ્તા ઉપર જોવાનો લહાવો જેવો તેવો નથી.
Amazing traffic jam by the national bird. Courtesy Vinod Sharma ji. pic.twitter.com/JcWA0YfKkH
— Parveen Kaswan, IFS (@ParveenKaswan) May 17, 2020
એમાંય મુખ્ય માર્ગ ઉપર થનગનાટ કરી નાચતા મોર જોવા ખૂબ દુર્લભ છે. આજે કોઈ પણ માર્ગ ઉપર નીકળો તો પશુ પક્ષીઓ નિર્ભયતાથી મહાલી રહ્યા છે. માણસોનું લોકડાઉન ખૂલી જતાં પર્યાવરણ ફરી લોકડાઉન થઈ જશે તેવી ભીતિ સેવાવવાળો વર્ગ પણ ઘણો મોટો છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
– તમારો જેંતીલાલ
