રવાની ખીર
ઉત્તરાયણ માટે ઊંધિયું અને પૂરીની સાથે મીઠાઈમાં શું બનવાના ?? તેહવારો માં મને એવી જ વાનગી બનાવી ગમે જે ફટાફટ બની પણ જાય અને ખુબ જ સ્વાદિષ્ટ પણ હોય. આજે હું એવી જ એક એકદમ સરળ ખીરની રીત લાવી છું. આ ખીર ખુબ જ લોકપ્રિય છે .
આ ખીર તમે ગરમ અને ઠંડી , બેય રીતે પીરસી શકો. ઠંડીના દિવસોમાં ગરમ ભાવશે જયારે ઉનાળાના તડકામાં ઠંડી ઠંડી ખીર, આશા છે આપને પસંદ આવશે આ સરળ મિષ્ટાન ..
સામગ્રી :
• ૧ ચમચી ઘી,
• ૪-૫ ચમચી રવો,
• ૪ વાડકા દૂધ,
• ખાંડ , સ્વાદનુસાર,
• બદામ , કાજુ – નાના ટુકડા,
• કેસર તાંતણા,
• ૧/૨ ચમચી એલૈચી ભૂકો,
• ૧/૪ ચમચી જાયફળ ભૂકો,
• થોડી ચારોળી.
રીત :
non stick pan માં ઘી ગરમ કરો ..ઘી માં કાજુ , બાદમ સાંતળો.
હવે એમાં રવો ઉમેરો ને શેકો. રવો હલકા ગુલાબી રંગ નો થાય ત્યાં સુધી શેકો, રવો પોતાની સુવાસ છોડશે ..
હવે એમાં દૂધ , એલૈચી –જાયફળ ભૂકો , કેસર અને ખાંડને સરસ રીતે મિક્ષ કરો.
૪-૫ min માટે ઉકાળો.
બહુ ઉકાળવું નહિ તો એકદમ જાડુ થાય જશે .
ગેસ બંધ કરી ચારોળી, પિસ્તા નાખી સજાવટ કરો.
ને ગરમ , હુંફાળું કે ઠંડુ પીરસો.
રસોઈની રાણી : રુચિબેન શાહ (ચેન્નાઈ)
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.