વિક એન્ડ માં બનાવો રવા ઈડલી ,પરિવાર પણ ખુશ અને તમે પણ . ઈડલી ની આ વેરાઈટી એકદમ જડપી છે. ના પલાળવાની કે ના આથા ની ચિંતા . બસ મિક્ષ કરો ૧૫ min રાહ જોવો અને ઈડલી બાફો. આટલું સિમ્પલ. તો પણ ખુબ જ સ્વાદિષ્ટ . નાસ્તો, જમણ કે ટીફીન માટે રવા ઈડલી એક સંપૂર્ણ વિકલ્પ છે. તો ચાલો બનાવીએ એકદમ ટ્રેડીશનલ સ્ટાઈલ ની રવા ઈડલી , જે દક્ષીણ ભારત ની ખાસયિત છે .
સામગ્રી :
વઘાર માટે :
૧.૫ ચમચી તેલ
૧ ચમચી ઘી
૧ ચમચી ચણા ની દાળ
૧ ચમચી અડદ ની દાળ
૧/૨ ચમચી જીરું
૧/૨ ચમચી રાઈ
૨-૩ લાલ સુકા મરચા
૬-૭ કાજુ , ટુકડા કરવા
લીમડા ના પાન
હિંગ
બીજી સામગ્રી :
૧.૫ વાડકો રવો
૧ વાડકો દહીં
૨ લીલા મરચા , સમારેલા
૧ ચમચી ખમણેલું આદુ
૧/૪ વાડકો સમારેલી કોથમીર
પોણો વાડકો ખમણેલું ગાજર
મીઠું
૧.૫ ચમચી Eno
રીત :
સૌ પ્રથમ કડાય માં ઘી , તેલ ગરમ કરો . ત્યાર બાદ તેમાં બેય દાળ , રાઈ , જીરું , લાલ મરચા ઉમેરી શેકો . દાળ લાલ થવા આવે ત્યારે કાજુ ના ટુકડા ઉમેરી શેકો . ત્યાર બાદ તેમાં હિંગ નાખી રવો ઉમેરો . ધીમી આંચ પર શેકો. રવો હલકો ગુલાબી રંગ નો થાય ત્યાં સુધી શેકો. હલાવતા રેહવું એટલે રવો બળે નહિ અને એકસરખો શેકાય . રવો ઠંડો પડે ત્યાં સુધી રાહ જોવી .
એક બાઉલ માં દહીં , આદુ, ગાજર, લીલા મરચા , મીઠું મિક્ષ કરો . હવે એમાં શેકેલો રવો ઉમેરો .
૨ વાડકા જેટલું પાણી ઉમેરી સરસ મિક્ષ કરી લો . ૧૫-૨૦ min માટે રેહવા દો. ફરી હલાવો અને જરૂર મુજબ પાણી ઉમેરો . ઈડલી બેટર જેવું જાડુ બેટર બનાવવું .
ઈડલી નું સ્ટેન્ડ પાણી ભરી ગરમ મુકવું અને એની પ્લેટસ ને હલકા તેલ થી ગ્રીસ કરી લેવી .
રવા ના બેટર માં eno ઉમેરી સરસ મિક્ષ કરી લો અને તરત ઈડલી ની પ્લેટસ માં મુકો . ૭-૮ min માટે પકાવો .
થોડી ઠરે એટલે પ્લેટસ માંથી ધારદાર ચમચી ની મદદ થી કાઢી ગરમ ગરમ પીરસો .. આ ઈડલી સાથે ટોપરા ની ચટણી , ઈડલી પોડી પીરસી શકાય …
રસોઈની રાણી : રૂચી શાહ (ચેન્નાઈ)
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.
