ઉત્તર પ્રદેશના હાથરસમાં સોમવારે રાત્રે પોલીસે એક ફેક્ટરીમાં દરોડો પાડ્યો હતો અને બનાવટી મસાલાના મોટા રેકેટનો ભંગ કર્યો હતો. કારખાનાના લોકો સ્થાનિક બ્રાન્ડના નામે ભેળસેળના મસાલા બનાવતા હતા જેમાં ગધેડાનું છાણ, ગાયના છાણ, એસિડ અને ઘાસ (ભૂસ) નો ઉપયોગ થતો હતો. પોલીસે 300 કિલોથી વધુ નકલી મસાલા પણ કબજે કર્યા છે.
પોલીસે બનાવટી મસાલા ફેક્ટરીના માલિક અનુપ વાષ્ણેર્યની ધરપકડ કરી છે. વાષ્ણેર્ય હિન્દુ યુવા વાહિનીની ‘મંડળ પ્રહરી’ છે. હાથરસના નવીપુર વિસ્તારમાં તેની ફેક્ટરીમાં દરોડા દરમિયાન પોલીસને લાલ મરચું પાવડર, ધાણા પાવડર સહિતના ઘણા મસાલા મળી આવ્યા હતા. ગરમ મસાલા અને હળદરમાં ગધેડાની લીંડી, રંગ, એસિડ અને ઘાસનો ઉપયોગ કરવામાં આવતો હતો.
પોલીસે મસાલાઓના 27 નમૂનાઓ પરીક્ષણ માટે લેબોરેટરીમાં મોકલ્યા છે. જોઇન્ટ મેજિસ્ટ્રેટ પ્રેમ પ્રકાશ મીનાએ જણાવ્યું હતું કે, ફેક્ટરીના માલિક વાષ્ણેર્યને સીઆરપીસી કલમ 151 હેઠળ ન્યાયિક કસ્ટડીમાં મોકલવામાં આવ્યા છે. મીનાએ કહ્યું કે એકવાર લેબ પરીક્ષણના પરિણામો બહાર આવ્યા બાદ ફૂડ સેફટી એન્ડ સ્ટાન્ડર્ડ એક્ટ હેઠળ કેસ નોંધવામાં આવશે. તેમણે જણાવ્યું હતું કે, ફુડ ઇન્સ્પેક્ટર પાસે લાંબા સમયથી મળેલી ફરિયાદ અંગે અહીં ફરિયાદ કરવામાં આવી હતી. આ દરમિયાન, યુપી સ્પેશિયલ ટાસ્ક ફોર્સ (એસટીએફ) એ ભારતીય રેલ્વેની તત્કાલ ટિકિટ વેચતા રેકેટનો પર્દાફાશ કર્યો છે અને તેના મુખ્ય સૂત્રધારની ધરપકડ કરી છે, જેની ઓળખ બસ્તી જિલ્લાના સદ્દામ હુસેન અન્સારી તરીકે થાય છે.
આ પહેલાં ગુજરાતમાં પણ આવું એક કારખાનું ઝડપાયું હતું. સુરત જિલ્લા એલસીબી ઇનચાર્જ પીઆઇ પી.એન. ઝીંઝુવાડિયા અને એસઓજી ઇનચાર્જ પીઆઇ એ.વાય. બલોચને મળેલ બાતમી મુજબ પલસાણા તાલુકાના બગુમરા ગામે આવેલ સાંઈ કુટિર સોસાયટીમાં મકાન નં 165માં રસોઈમાં વાપરવામાં આવતાં અલગ-અલગ પ્રકારના એવરેસ્ટ કંપનીના નામે ડુપ્લિકેટ મસાલા બનાવી અને પેકિંગ કરી વેચાણ કરવામાં આવતા હતા. જે આધારે પોલીસે છાપો માર્યો હતો. જ્યાં એવરેસ્ટ કંપનીના નામે મસાલો બનાવી મશીન પર પેકિંગ કરતાં ત્રણ ઇસમો રંગેહાથ ઝડપાઇ ગયા હતા.
ફેક્ટરીમાંથી મસાલો પેક કરવાનાં 3 મશીન, એવરેસ્ટ કંપનીના નામે પ્રિન્ટ કરેલા ખાલી પૂંઠાનાં બોક્સ, ગરમ મસાલો, સબ્જી મસાલો અને ચિકન મસાલાના સીલબંધ પેકેટોનો જથ્થો મળી આવ્યો હતો. જેની કિંમત અંદાજિત 6,58,420 જેટલી થાય છે. આ ડુપ્લિકેટ મસાલો બનાવતી ફેક્ટરી સુરતના શ્રવણ ઘાંચીની હોવાનું જણાવ્યું હતું. પોલીસે ત્રણે ઇસમોની ધરપકડ કરી મુદ્દામાલ કબજે લીધો હતો. ફેક્ટરી માલિક શ્રવણ ઘાંચીને વોન્ટેડ જાહેર કર્યો હતો.
બગુમરા ગામેથી ઝડપાયેલી ડુપ્લિકેટ ફેક્ટરીમાં એવરેસ્ટ કંપનીના અસલી મસાલાનું પેકિંગ જેવું જ પેકિંગ તેમજ કંપનીના નામના માર્કાનો ઉપયોગ કરી તગડી કમાણી કરતાં હોવાનું જાણવા મળ્યું છે. પકડાયેલ ઈસમો કંપનીના મસાલા હોય તે રીતે બનાવટી મસાલા બનાવતા હતા. અંદર કામ કરનારને થોડા સમયમાં બદલી કાઢતા હોવાનું પણ જાણવા મળેલ છે. પકડાયેલા ત્રણમાં બે ત્રણ માસથી અને એક પાંચ દિવસ પહેલા જ કામે લાગ્યો હતો.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
– તમારો જેંતીલાલ