રસોઈની રાણી

લીલા વટાણાની પેટીસ – ફ્રેશ વટાણા લાવીને આજે જ બનાવો ઘરમાં બધાને પસંદ આવશે.

December 17, 2020

આજે આપણે બનાવીશું લીલા વટાણા ની પેટીસ. અત્યારે શિયાળામાં ફ્રેશ લીલા વટાણા મળતા જ હોય છે.તો આજે જ લાવી ને બનાવો ઘર માં બધા ને પસંદ આવશે.

સામગ્રી (પરફેક્ટ માપ માટે વિડિઓ ખાસ જુઓ.)

બાફેલા વટાણા
શેકેલી સીંગ
લીલા મરચા
આદુ
જીરું
હિંગ
તેલ
તલ
મીઠું
કોપરાનું છીણ
લીંબુનો રસ
ખાંડ
મરી પાવડર
આરા નો લોટ

રીત-

1- સૌથી પહેલા આપણે વટાણાને બાફીને તૈયાર કરી લઈશું. હવે તેને મિક્સરમાં પીસી લઈશું. 2 થી 3 મોટી ચમચી શેકેલી સીંગ નાખીશું.

2- હવે આપણે પાચ થી છ લીલા મરચા નાખીશું.અને એક આદુ નો ટુકડો નાખીશું.હવે તેને પીસી લઈશું.

3- હવે એક કઢાઈ લઈશું. બે મોટી ચમચી તેલ લઈશું. અડધી ચમચી જેટલું જીરું નાખી શું. જીરૂ તતડી જાય પછી ચપટી હિંગ નાંખીશું.

4- હવે તેમાં વટાણા નું મિશ્રણ ઉમેરી દઈશું. હવે તેને હલાવતા હલાવતા શેકી લેવાનું છે. હવે તેમાં સ્વાદ મુજબ મીઠું નાખીશું.

5- હવે તેમાં એક મોટી ચમચી તલ નાખીશું. હવે એક મોટી ચમચી જેટલું કોપરાનું છીણ નાખીશું. હવે એક નાનો બાફેલો બટાકો લઈ તેને મિક્સ કરી લઈશું.

6- હવે તેમાં ૧ નાની વાડકી લીલા ધાણા નાખીશું. હવે આપણું સ્ટફિંગ તૈયાર થઈ ગયું છે. હવે તેમાં એક નાની ચમચી ગરમ મસાલો નાખીશું. હવે ગેસ બંધ કરી દઈશું.

7-હવે એક ચમચી લીંબુનો રસ નાખી શું. અને અડધી ચમચી ખાંડ નાખીશું. હવે આ મિશ્રણને ઠંડુ કરી લેવાનું છે. હાથ થી ગોળ વાળી શકીએ તેવું ઠંડુ થવા દેવાનું છે.

8-હવે બારના લેયર ની તૈયારી કરીશું. હવે બટાકાને છીણી લઈશું. હવે તેમાં થોડો મસાલો કરીશું. તેમાં અડધી ચમચી જેટલો મરી પાવડર લઈશું. સ્વાદ મુજબ મીઠું નાખીશું.

9- હવે તેમાં ૩ ચમચી આરા નો લોટ નાખીશું. જો તમારી પાસે આરાનો લોટ ના હોય તો ચોખાનો લોટ નાખી શકો છો. હવે તેને બરાબર મિક્સ કરી લઈશું.

10-હવે આપણું સ્ટફિંગ ઠંડુ થઈ ગયું છે. તો તેના નાના-નાના બોલ્સ બનાવી લઈશું. આપણે હાથ પર થોડું તેલ લગાવી લઈશું. જેથી બટાકાનો માવો આપણા હાથમાં ચોંટે નહીં.

11-આપણે તેને હાથમાં લઇ થોડું નાની પૂરી સાઈઝ કરી વચ્ચે સ્ટફિંગ ની ગોળી મૂકી દઈશું. પછી તેને ગોળ બનાવી લેવાનું. પછી તેને આરાના લોટમાં રગ દોડી લેવાનું. આ રીતે આપણે બધી પેટીસ બનાવી લઈશું.