ચાલે આજે બનાવીએ દાલ મખની જે એક ખૂબ જ સ્વાદિષ્ટ અને ખુબજ જાણીતી દાલ છે, દાલ મખની આમ તો ઘણી બધી રીતે બને છે , ચાલો આજે હું મારી રીત થી બનાવેલી દાલ મખની ની રેસિપી જણાવીશ. તો ચાલો રેસીપી જોઈ લઈએ.
૧ ચમચી – તેલ
૧ ચમચી – ઘી
૧ કપ – આખી અડદ ની દાલ ફોતરાં વાળી
૩ ચમચી – રાજમાં
૧ ચમચી જીરું
૧ કપ જીણી સમારેલી ડુંગળી
૧ ચમચી – મીઠું
૧ ચમચી – હળદર
ચપટી હીંગ
બરાબર સાંતળો
૧ ચમચી – લસણ – આદુ – લીલા મરચા ની પૅસ્ટ
૨ કપ – ટામેટા ની પૅસ્ટ
૧ ચમચી – લાલ મરચું પાવડર
૨ ચમચી – ગરમ મસાલા
૧ ચમચી – ધાણાજીરુ
૨ કપ – પાણી
૧ ચમચી માખણ
જયારે પણ દાલ મખની બનાવની હોય ત્યારે આગળ ના દિવસે રાતે અડદ દાલ અને રાજમાં પલાળી લો. સવારે કુકર માં ૪-૫ સીટી થાય ત્યાં સુધી બાફી લો. એક નોન સ્ટિક પેન માં તેલ અને ઘી ગરમ કરવા મુકો, ગરમ થાય એટલે જીરું નાખો , પછી તેમાં સમારેલી ડુંગળી નાખી દો, મીઠું નાખો , હીંગ અને હળદર નાખી દો , બરાબર સાંતળો, લસણ – આદુ – લીલા મરચા ની પૅસ્ટ નાખી દો. બધું બરાબર મીક્સ કરી લો. ઢાંકી ને ૨-૩ મીનીટ સુધી ચડવા દો. પછી ટામેટા ની પૅસ્ટ નાખી દો, હવે તેમાં લાલ મરચું , ગરમ મસાલો અને ધાણાજીરુ નાખી હલાવી લો. ઢાંકો અને ૨ મીનીટ માટે ચડવા દો . ઢાંકણ ખોલો અને બાફેલી અડદ દાળ અને રાજમાં નાખો , બરાબર મીક્સ કરી હળવે થી દાળ ને ચમચા વડે દબાવો , હવે ૨ કપ પાણી નાખો , ઢાંકો અને ૧૦-૧૫ મીનીટ સુધી ચડવા દો.
ઢાંકણ ખોલી દો , અને ૧ ચમચી માખણ નાખી દો. અને સર્વિંગ બાઉલ માં કાઢી લો અને ગરમ ગરમ ફુલ્કા , નાન કે રાઈસ સાથે પીરસો.
તો આજે જ બનાવો તમારા અને તમારો અભિપ્રાય પણ જણાવો . ચાલો ફરી મળીએ એક નવી રેસીપી સાથે.
રસોઈની રાણી : નિરાલી કોરાટ