દીપિકા પાદુકોણેની આગામી ફિલ્મ ‘છાપક’નું શૂટિંગ આજથી શરૂ થયું છે. ફિલ્મમાંથી દીપિકાનો પહેલા દેખાવની ઝલક મીડિયામાં જાહેર કરાયો છે. આ ફિલ્મમાં, દીપિકા એસિડ એટેકથી પીડિત લક્ષ્મી અગ્રવાલની ભૂમિકા ભજવી રહી છે. મેઘના ગુલઝાર આ ફિલ્મનું દિગ્દર્શન કરે છે. તેના આ લૂકસને શેર કરતી વખતે, દીપિકાએ પણ લખ્યું, ‘એક શબ્દ જે હંમેશાં મારી સાથે રહેશે… માલતી.’
ફિલ્મની વાર્તા લક્ષ્મી નામની સ્ત્રી પર પણ આધારિત છે. આ ફિલ્મમાં દીપિકા અને મેઘના સાથે મળીને પહેલી વાર કામ કરશે. દીપિકા પદુકોણની ફિલ્મ છાપકનું પહેલો જ લૂક ખૂબ જ પ્રભાવશાળી છે અને તે લોકો માટે ફિલ્મ પ્રત્યે વધુ ઉત્સુકતા જગાવશે. દીપિકાના દેખાવની પ્રશંસા કરતા બૉલીવુડ સેલિબ્રિટીઝ થાકતાં નથી.
દીપિકાના આ અલગ જ દેખાવવાળા પોસ્ટરની પોસ્ટ પર વિવિધ સેલિબ્રિટીઝે પોતપોતાની ટીપ્પણી આપી. તેમાં પરિણીતી ચોપરાએ લખ્યું – હવે આ મૂવી ખૂબ જ મહત્વપૂર્ણ બની ગઈ છે. નવોદિત અભિનેતા વિકી કૌશલે લખ્યું: આ કેટલું અદ્ભુત છે! આ ફિલ્મની રાહ જોવી મુશ્કેલ છે. છપાકની ટીમને શુભકામનાઓ. સિદ્ધાર્થ મલ્હોત્રાએ લખ્યું – સંપૂર્ણ ટીમ માટે શુભેચ્છાઓ! મને ખાતરી છે કે આ વાર્તા એક નવો ઈતિહાસ રચશે.. આલિયા ભટ્ટે છાપકના પોસ્ટરની પણ પ્રશંસા કરી. રાજકુમાર રાવે લખ્યું – તે ખૂબ જ શાનદાર છે. હું આ મૂવીની રાહ જોઉં છું.
આપને જણાવીએ કે આ ફિલ્મની શૂટિંગ આજથી શરૂ થઈ છે અને આ ફિલ્મ 10 જાન્યુઆરી, 2020 ના રોજ રિલીઝ થશે. આ ફિલ્મ ફોક્સ સ્ટાર, દીપિકા પાદુકોણની કેએ એન્ટરટેઈન્મેટ અને મેઘના ગુલઝાર દ્વારા સંયુક્ત રીતે મળીને બની રહી છે. આપને યાદ અપાવીએ કે સંજય લીલા ભંસાલીની 'પદ્મવત'માં છેલ્લી વખત દીપિકા રૂપેરી પડદે અતિશય ગ્લેમરસ લૂકમાં જોવા મળી હતી. જ્યારે તેનો આ ફિલ્મમાં તદ્દન નવો જ અવતાર અને અભિનયનું જુદું જ રૂપ જોવા મળશે.
