બિલાડીના આ સંકેતને સમજો, નહીં તો આવશે મુશ્કેલીનો સામનો કરવાનો વારો

December 2, 2020

આપણે સૌ અજાણતાં જ કેટલીક માન્યતાઓમાં માનતા હોઈએ છીએ. જેકમે ઘરમાં પ્રવેશતાં કે ઘરની બહાર જતાં જમણો પગ આગળ કરવો, સારા કામ માટે જતાં હોઈએ તો દહીં ખાંડ ખાઈને જવું, કોઈ કામ પર જતાં હોઈએ અને કોઈ પાછળથી ટોકે તો અટકી જવું કે પછી કોઈની છૂંક પર કોઈ કામ માટે બહાર ન જવું. આ સિવાય પણ અન્ય અનેક આવી નાની મોટી વાતોમાં આપણે વિશ્વાસ કરીએ છીએ. શક્ય છે આપણે તેમાં ન માનતા હોઈએ પણ પરંપરાના નામે આપણે તેને અનુસરતા હોઈએ.

આજે આપણે વાત કરીશું કાળી બિલાડીની. કહેવાય છે કે પશુ પક્ષીઓની છઠ્ઠી ઈન્દ્રિય ખૂબ જ શાર્પ હોય છે. તેમને ભવિષ્યની દુર્ઘટનાઓની જાણ પહેલાંથી જ થઈ જાય છે. બિલાડી પણ તેમાનું એક જનાવર છે. કહેવાય છે કે બિલાડી રસ્તો કાપે તો તે ખરાબ ગણાય છે. આ સમયે જો તમે કોઈ સારા કામે જાવ છો તો તમારે અટકી જવું જોઈએ. આજે જાણો બિલાડીના સંકેતો તમને શું સૂચવે છે તે વિશે.

બિલાડીને રાહુ ગ્રહની સવારી માનવામાં આવે છે. રાહુ ગ્રહની કુંડળીમાં બેસતી હોવાથી નુકસાનની સંભાવના રહે છે. જે વ્યક્તિ પર રાહુનો પડછાયો હોય છે તેને મુશ્કેલીઓનો સામનો કરવો પડે છે. આ માટે બિલાડી જો તમારો રસ્તો કાપે છે તો તમને નુકસાન કે વાગવાનો ભય રહે છે.

જ્યારે બિલાડી તમારો રસ્તો કાપીને જમણી બાજુ જાય તો તે અશુભ ગણવામાં આવે છે. અન્ય સ્થિતિમાં બિલાડીનો રસ્તો કાપવો એ અશુભ હોતું નથી.

બિલાડી તમારા ઘરની આસપાસ કે ઘરમાં આવીને રડે છે તો તે મોટી હાનિનો સંકેત હોઈ શકે છે. જો 2 બિલાડી એકમેક સાથે ઝઘડો કરે છે તો પણ તે ધનહાનિનો કે કોઈની સાથે લડાઈનો સંકેત આપે છે તેમ માનવામાં આવે છે.