દોસ્તો કેમ છો મજામાં છો શિયાળા ની સીઝન હોય તો શાકભાજી ખાવા ની મજા આવી જાય.પણ જ્યારે ચોમાસુ અને ઊનાળો હોય ત્યારે ગવાર,ભીંડા અને ટીંડોળા જ ભાવે છે….
મારા ઘરે બધા એકાંતરે ગવાર નું શાક ખાઈ ને કંટાળી ગયા હતા.હવે કારેલા,ગલકા,અને પરવળ એ તો કોઈને ભાવે નહિ તો કરવું શું? કેરી નો રસ તો હોય પણ જોડે શાક તો જોઈ એ જ. એટલે મેં આજે ગવાર ના શાક માં કંઇક નવું ટવીસ્ટ કર્યું…..
આપને ચટપટા અથાણાં તો ખાતા જ હોય એ છે. અને અથાણા તો બધાને ભાવે.તો ચલો આજે એ અથાણાં ના મસાલા ને શાકમાં ઉપયોગ કરીને કંઇક નવું શાક બનાવીએ…અથાણાં નો મસાલો અને સીંગદાણા જોડે શાક ટેસ્ટી બન્યું..તો તમે પણ એ જરૂરથી ટ્રાય કરજો…તો આપને એની સામગ્રી જોઈ લઈશું.
સામગ્રી
- ૨૦૦ ગ્રામ ગવાર
- ૧ બટાટા
- ૧ ચમચી અથાણાં નો મસાલો
- ૩ ચમચી સીંગદાણા ક્રશ કરેલા
- ૧ ચમચી તલ
- ૧ ચમચી આદુ લસણ ની પેસ્ટ
- ૨ ચમચી મરચું
- ૧ ચમચી ધણાજીરૂ
- ૧/૨ ચમચી હળદર
- મીઠુ સ્વાદાનુસાર
- ૪ ચમચી તેલ
- ૧ ચમચી કોપરા નું છીન
- ૧/૨ ચમચી અજમો
- ચપટી હિંગ
રીત
સ્ટેપ ૧
સૌ પ્રથમ ગવાર અને બટાટા ને શામારી લેવા.
સ્ટેપ ૨
ગવાર અને બટેટા ને કુકર માં ૨ સિટી વગાડી બાફી લેવા.
સ્ટેપ ૩
એક બાઉલ માં ૩ ચમચી સીંગદાણા,૧ ચમચી અથાણાં નો મસાલો, એક ચમચી કોપરા નું છીન ,એક ચમચી તલ લો. અને આ મસાલો મિક્સ કરી લો.
સ્ટેપ ૪
હવે એક કડાઈમાં ૪ ચમચી તેલ લો.તેલ ગરમ થાય એટલે તેમાં અજમો,હિંગ,મરચુ અને હળદર એડ કરો.
સ્ટેપ ૫
ત્યારબાદ તેમાં આપને બનાવેલો મસાલો એડ કરો.તે પછી તેમાં બાફેલા બટેટા અને ગવાર એડ કરો.
સ્ટેપ ૬
હવે તેમાં મીઠું,મરચુ,હળદર, ધાણાજીરું,એડ કરી શાક હલાવી લો.
સ્ટેપ ૭
શાક ને પાંચ મિનિટ સાંતળો.અને પછી ગેસ બંધ કરી રોટલી જોડે ગરમ ગરમ સર્વ કરો..
રસોઈની રાણી : રીના ત્રિવેદી
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.