અલગ અલગ દેશ, અલગ અલગ વાતાવરણ, અલગ અલગ તાસીરના લોકો માટે કુદરતી રીતે દુનિયાભરમાં અલગ અલગ પ્રકારના કેટલાય ફળો ઉગે છે અને મળે છે.
આપણા દેશ ભારતની જ વાત કરીએ તો દેશના લગભગ દરેક રાજ્યના સ્થાનિક લોકોમાં ઓછામાં ઓછું એક ફળ એવું હોય જ છે જે દરેકને પસંદ હોય.
જેમ કે મારી અને તમારી ફેવરિટ એવી કેરી.
ઉનાળાની કાળઝાળ ગરમી હોય દિવસભર ઓફિસ / દુકાનમાં કામ પૂર્ણ કરી, રાત્રે નહાઈ ધોઈ, ડિનર કરી દસેક વાગ્યાનો સમય થયો હોય અને મસ્ત પાકી કેસર કેરીની ચીરીઓ કરી થાળીમાં પીરસવામાં આવે એટલે….. ઓ..હો..હો.. હો.. આટલું સાંભળીને તો મોં માં ઝરણાં ફૂટવા લાગ્યા.
જવા દો યાર, આ ભર શિયાળે કેસર કેરીની વાત માંડીશું તો ક્યાંક તમે અમને પાગલ માનશો. ખેર, દુનિયાભરના સ્વાદિષ્ટ અને અલગ અલગ જાતભાતના ફળો વિષે તો આપણે ખુબ જાણ્યું.
પરંતુ શું તમે એક એવા ફળ વિશે પણ જાણો છો જેને આમ તો સ્થાનિક લોકો ફળોનો રાજા કહે છે પણ તેની ગંધ પગમાં પહેરેલા મોજા કે ગટરના પાણી જેવી હોય છે.
તો વિશ્વમાં ક્યાં થાય છે આ ફળ, શું છે એની કિંમત ? અને શું છે તેનું નામ આવો જાણીએ આ રસપ્રદ આર્ટિકલમાં.
આ ફળનું નામ છે ડુરીયાન ફ્રૂટ Durian Fruit અને તે ઇન્ડોનેશિયા દેશમાં થાય છે. આ ફ્રૂટની વિશેષતા પણ વિચિત્ર લાગે તેવી છે. કારણ કે એક તરફ આ ડુરીયાન ફ્રૂટને લઈને સ્થાનિક લોકોમાં ફળોના રાજા તરીકે ઓળખવામાં આવે છે તો બીજી તરફ આ ફ્રૂટને સૌથી દુર્ગંધ વાળું ફ્રૂટ પણ ગણવામાં આવે છે.
જો આટલું જાણ્યા પછી તમારી આંખો આશ્ચર્યથી પહોળી થઇ ગઈ હોય તો એક મીનીટ થોભજો કારણકે આ ફ્રૂટની કિંમત જાણી તમે સાવ હેબતાઈ જવાના. આ ડુરીયાન ફ્રૂટની કિંમત સ્થાનિક બજારમાં 500 ડોલર એટલે કે લગભગ 35000 ભારતીય રૂપિયા છે.
ઉલ્લેખનીય છે કે ઇન્ડોએશિયાના સ્થાનિક લોકોમાં આ ફ્રૂટને લઈને ભારે ક્રેઝ જોવા મળે છે. સ્થાનિક દુકાનદારો પણ ડુરીયાન ફ્રૂટને ખાસ કાંચ અને કપડામાં લપેટીને શોકેસમાં લોકોને આકર્ષિત કરી રહ્યા છે.
પરંતુ ફ્રૂટની કિંમત દરેક વર્ગના લોકોને પોસાય તેટલી ન હોવાથી લોકો ડુરીયાન ફ્રૂટ વેંચતી દુકાનોએ જઈ ફ્રૂટના ફોટા અને સેલ્ફી ખેંચે છે. એટલું જ નહિ સ્થાનિક લોકોમાં આ ફ્રૂટને કિંગ ઓફ ફ્રૂટ્સ એટલે કે ફળોનો રાજા પણ કહેવામાં આવે છે.
નોંધનીય છે કે ડુરીયાન ફ્રૂટ એક એવું ફ્રૂટ છે કે જેમાંથી પગમાં પહેરેલા મોજા કે ગટરના પાણીની વાસ આવતી હોય તેવી વાસ આવે છે છતાં લોકો તેને ખાવાનું પસંદ કરે છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
– તમારો જેંતીલાલ