પાણી પીવાના પણ કેટલાક નિયમો હોય છે, જાણી લેશો તો ખૂબ જ ફટાફટ ઉતારી શકશો ચરબી અને ઓછું થશે વજન… ઝડપથી વજન ઘટાડવા માટે કરી જૂઓ આ પાણી પ્રયોગ! અક્સીર રીતે ઉપયોગી છે આ રીત, જરૂર અજમાવી જોજો…
વિજ્ઞાન મુજબ આપણું શરીર ૭૦% પાણીથી ભરેલું છે. શરીરમાં પાણીની સહેજ પણ ઉણપ વર્તાય તો ઘણી બધી એવી તકલીફો ઊભી થાય છે જે નિવારી પણ નથી થઈ શકાતી. પાણી પીવાની પણ એક કળા હોય છે, ઔષધ શાસ્ત્રમાં પાણી પીવાની યોગ્ય પદ્ધતિઓ પણ વણી લેવાઈ છે. એ મુજબ આપણે જો આપણી જીવનશૈલીમાં પાણી પીવાનું શરૂ કરીએ તો ઘણી બધી બીમારીઓ નાબૂદ થાય છે અને સાથોસાથ વજન અને ચરબીની પણ તકલીફ પણ ઓછી થાય છે. આવો જાણી લઈએ એ પદ્ધતિ કેવી છે અને એ પ્રયોગ કઈરીતે કરી શકાય જેથી વધુમાં વધુ ઝડપથી શારીરિક રીતે સ્વસ્થ થઈ શકીએ.
ઝડપી વજન ઘટાડવા માટે પાણીનો પ્રયોગ કરવામાં આવે છે…
જ્યારે સ્થૂળતા ઘટાડવાની વાત આવે છે, ત્યારે પાણી પીવાનું મહત્વપૂર્ણ બને છે. પરંતુ તે ક્યારે પીવું તે તેના કરતાં વધુ મહત્વપૂર્ણ છે. કારણ કે જ્યારે તમે યોગ્ય સમયે પાણી પીતા હોવ, ત્યારે તેમાં ઝડપથી વજન ઘટાડવામાં વધુ ક્ષમતા હોય છે. એવુંય બનતું હોય છે તમે વજન ઘટાડવાના તમામ પ્રયાસો કર્યા હોય તેમ છતાં તમે નિષ્ફળ રહેતા હોવ છો. તમે ખાવા – પીવાનું પ્રમાણ પણ ઓછું કરી દીધું હોય તો પણ કોઈ ફાયદો નથી થતો. ત્યારે કોઈ એવો પ્રયોગ કરવો જોઈએ જે ખૂબ જ સરળ હોય અને એકદમ અક્સીર હોય.
તાજેતરના સંશોધન મુજબ, એવું જાણવા મળ્યું છે કે જે લોકો પીવાના પાણીના સમયની સંભાળ રાખે છે તે ઝડપથી વજન ઘટાડવામાં સક્ષમ છે. જે લોકો પીવાના પાણી પર ધ્યાન આપતા નથી, તેમનું વજન ઘટડવાની પ્રક્રિયા ખૂબ જ ધીમી હોય છે.
વજન ઘટાડવા અથવા મેદસ્વીતા ઘટાડવા માટે પાણીના પ્રયોગનું વિશેષ યોગદાન બની શકે છે. આપણે બધાથી પરિચિત છીએ છતાં પણ તેને આપણાં જીવનમાં દરરોજની ટેવમાં શામેલ કરતાં નથી હોતાં. આપણે સૌથી અગત્યની બાબતની નોંઘ લઈએ છે કે માફકસરનું અને યોગ્ય સમયે પાણી પીવું સૌથી ફાયદાકારક હોય છે. કારણ કે જો પીવાના પાણીનો સમય યોગ્ય રીતે પાલન કરીએ, તો તેઓ ઝડપથી વજન ઘટાડવામાં મદદરૂપ થાય છે.
ઝડપથી વજન ઘટાડવા માટે પાણી ક્યારે પીવું જોઈએ?
જો તમે ઝડપથી વજન ઓછું કરવા માંગો છો, તો તમારે તમારા જમવા બેસવાના 30 મિનિટ પહેલાં ઓછામાં ઓછું અડધો લિટર પાણી પીવું જોઈએ. જમવા બેસવાના પહેલાં પાણી પીવાથી, તમે વજન ઘટાડવાની પ્રક્રિયાને સારો એવો વેગ આપો છો.
પીવાના પાણીનો સમય સુનિશ્ચિત કરવો શા માટે જરૂરી છે?
આ વિશે ઘણા સંશોધન કરવામાં આવ્યાં છે કે જો તમે જમવા પહેલાં પાણી પીતા હોવ તો તમે વધારે ખાવાનું ટાળો છો. ખરેખર જ્યારે તમે ખૂબ ભૂખ્યા હોવ ત્યારે તમને તરસ પણ લાગેલી હોય છે. એ સમયે જ્યારે તમે પાણી પીવો છો, ત્યારે શરીર પાણી દ્વારા અન્ય જરૂરિયાતોને પૂર્ણ કરે છે. તેથી જ્યારે તમે ખાવ છો, ત્યારે તમે વધુ ખોરાક લેવાનું મન નથી થતું પેટ ભરેલું લાગે છે અને વધુ ભોજન લેવાનું શરીર ટાળે છે. ભૂતકાળમાં ઓબેસિટી જર્નલમાં પ્રકાશિત એક સંશોધન મુજબ, જે લોકો જમવા બેસવા પહેલા લગભગ અડધો લિટર પાણી પીતા હોય છે, તેઓ બારેક જેટલા અઠવાડિયામાં ઓછામાં ઓછું દોઢેક કિલો જેટલું વજન ઘટાડી શકે છે.
સ્થૂળતા ઘટાડવા માટે પાણી કેમ મહત્વનું છે?
જ્યારે શરીરમાં વધારાની ચરબી એકઠી થાય છે, ત્યારે તેને મેદસ્વીપણું કહેવામાં આવે છે. વિશ્વમાં મોટાભાગના મેદસ્વીપણામાં પેટની ચરબી સૌથી વધારે હોય છે. આ સમસ્યા માટેનું મુખ્ય કારણ તે છે. આપણી દોડતી ભાગતી જીવનશૈલી, અનિયમિત ખાવાની ટેવ અને કસરત ન કરવાની ખોટી રીત. આ બધાને કારણે શરીર અનિયંત્રિત રીતે વધે છે.
પરંતુ જ્યારે તમે મેદસ્વીપણાને ઘટાડવા ઇચ્છતા હોવ છો, ત્યારે તમે આને યોગ્ય સમય પર પાણી પી લઈને પ્રયોગ કરી શકો છો. આહાર નિષ્ણાતો પણ માને છે કે તંદુરસ્ત આહાર ત્યારે જ ફાયદાકારક છે જ્યારે તે યોગ્ય સમયે લેવામાં આવે. પાણી એવું દ્રવ્ય છે કે ચરબી ઓગાળવા માટે ખૂબ જ ઉપયોગી છે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
– તમારો જેંતીલાલ
