તમારા માનસિક સ્વાસ્થ્યને સ્વસ્થ રાખવા આ સોશિયલ મિડિયા ટેવોને આજથી જ કહી દો અલવિદા
આજે શારીરિક સ્વાસ્થ્ય સમસ્યાની સાથે સાથે મેન્ટલ હેલ્થને લઈને પણ ઘણી બધી સમસ્યાઓ ઉભી થઈ ગઈ છે જેની પાછળ ઘણા અંશે સોશિયલ મિડિયા જવાબદાર છે. આજે ઇન્ટરનેટથી જેટલો લાભ થવો જોઈએ તેના કરતાં ક્યાંય વધારે નુકસાન થઈ રહ્યું છે.
ઇન્ટરનેટ, સોશિયલ મિડિયા વિગેરેનો ઉપયોગ કરનારા લોકો તેના અદ્ભુતલાભો વિષે તો સદંતર ભુલી જ ગયા છે.
તેનો ઉપયોગ આપણે જુના મિત્રો સાથે ફરી સંપર્ક સાધવા, એક સમાજ ઘડવા, મહત્વની જીવનજરૂરી બાબતો પર જાગૃતિ ફેલાવા, પોતાના અનોખા અનુભવો શેર કરવા, વાર્તાઓ કહેવા તેમજ ધંધાનું નિર્માણ કરવા કરવાનો હોય તેની જગ્યાએ તેનો તો કંઈક અલગ જ ઉપયોગ થઈ રહ્યો છે અને તેના જ કારણે માણસ ધીમે ધીમે એકલો પડતો જાય છે અને નિરાશામાં ધકેલાતો જાય છે અથવા તો કંઈક સાવજ અવાસ્તવિક દુનિયામાં જીવવા લાગે છે.
એક અભ્યાસ પ્રમાણે સોશિયલ મિડિયા પર લાંબો સમય પસાર કરતા લોકો વધારે ડીપ્રેશનમાં રહે છે તેવું નથી કે તેના પર સમય ઘટાડવાથી તેમની નિરાશા ઓછી થઈ જશે તેવું પણ નથી. પણ તેનો અર્થ એ બીલકુલ નથી થતો કે તે તમારા જીવન પર અસર નથી કરતું. પણ નવા અભ્યાસ પ્રમાણે તમે જેટલો વધારે સમય સોશિયલ મિડિયા પર પસાર કરશો તેટલી જ નિરાશામાં ગરકાવ થતા જશો.
જો તમે 7-11 વિવિધ પ્રકારના સોશિયલ મિડિયા પ્લેટફોર્મનો ઉપયોગ કરતાં હશો અને બીજી વ્યક્તિ જો 0-2 સોશિયલ મિડિયા પ્લેટફોર્મનો ઉપયોગ કરતી હશે તો તે તમારી સરખામણીએ ઘણી ઓછી નિરાશ થતી હશે.
જીવનની નિરાશા દૂર કરવા માટે તમારે જ નક્કી કરવાનું છે કે તમારે કેવા પ્રકારના સોશિયલ મિડિયાનો ઉપયોગ કેવી રીતે કરવો છે. તો અમે તમને અહીં કેટલીક એવી અસ્વસ્થ સોશિયલ મિડિયા આદતો વિષે જણાવીશું જેને તમારે આજને આજ છોડી દેવી જોઈએ. જે તમારા જીવન પર ખુબ જ હકારાત્મક અસર કરશે.
લાઇક્સ મેળવવા માટે તમારે તમારી જાતને બદલવી
આજે સોશિયલ મિડિયા પર ઘણા લોકો જે વાસ્તવમાં નથી હોતા તે દેખાવાનો પ્રયાસ કરે છે. તમે જે નથી પહેરવા માગતા તેવા વસ્ત્રો તમે માત્ર વધારેને વધારે લાઈક મેળવવા પહેરો છો, લોકોને આકર્ષવા માટે તમારે તમારી જાતને બદલવી ન જોઈએ.
લાઈક મેળવવા તમે તમારા વેંત બહારના ખર્ચા કરીને જાત જાતની વિડિયો તેમજ તસ્વીરો બનાવીને તમારા સોશિયલ મિડિયા અકાઉન્ટ પર શેર કરશો તો તેનાથી તમને જ નુકસાન થશે.
બીજા અકાઉન્ટ્સ સાથે હરીફાઈમાં લાગી જવું
સોશિયલ મિડિયાનો ઉપયોગ મોટે ભાગે પોતાની જાતને વારંવાર પ્રૂવ કરવા માટે કરવામાં આવે છે પછી ભલે તેમાં ડોળ કરવો પડે. અને ક્યારેક તો બીજા અકાઉન્ટ સાથે રીતસરની હરીફાઈ જ શરૂ થઈ જાય છે.
એક બીજાથી સારા દેખાવા, એકબીજાથી વધારે સારી વસ્તુઓ વાપરવા, એકબીજાથી વધારે સારા અને લક્ઝરિયસ પ્રવાસો ખેડવાની વિગેરે વિગેરે. માટે આવું ન કરવું જોઈએ.
હંમેશા પોતાની જાતને બીજા સાથે સરખાવવી
સોશિયલ મિડિયાનો આ એક ગંભીર રોગ છે. સોશિયલ મિડિયા પર લોકો પોતાની વાસ્તવિક બાજુ અથવા કહો કે પોતાની હકારાત્મક બાજુઓ જ રજૂ કરવાનું પસંદ કરે છે. પછી તે તમારો સારો દેખાવ હોય, કે પછી જીવનની સુખી ક્ષણ હોય. તેઓ ક્યારેય પોતાની નકારાત્મક બાજુ કે નબળી બાજુ કે નબળી ટેવો તમારી સાથે શેર નથી કરતા.
તે તમારી સાથે તેમની નિષ્ફળતા કે પછી ખરાબ દિવસો વિષે કશું જ શેર નથી કરતા. પણ એક સામાન્ય માણસ સાથે સારુ-ખરાબ બધું જ બનતું હેય છે. માટે બીજાના ખુશ ખુશહાલ રહેતા ફોટો, પ્રવાસના વિડિયો વિગેરે જોઈને તમારે તમારી જાતને તેમની સાથે કંપેર નથી કરવાની.
નકારાત્મકતા જન્માવતા એકાઉન્ટને ફોલો કરવા
તમે જયારે ક્યારેય પણ સોશિયલ મિડિયા અકાઉન્ટ બનાવો ત્યારે તમે વિવિધ જાતના અકાઉન્ટને ફોલો કરતા હોવ છો. તમારે અહીં નક્કી એ કરવાનું છે કે તમારે કેવા પ્રકારનું કન્ટેટન જોઈએ છે અને તે જ પ્રકારના એકાઉન્ટ તમારે ફોલો કરવા જોઈએ. જે સોશિયલ અકાઉન્ટનું કન્ટેટ તમારા પર નકારાત્મક અસર કરતું હોય તેને આજથી જ ફોલો કરવાનું બંધ કરી દો.
એવું જરૂરી નથી કે લાખો લોકો તે અકાઉન્ટને ફોલો કરે તો તમારે પણ કરવું જ. જો તેનાથી તમારા માનસિક સ્વાસ્થ્યને નકારાત્મક અસર થતી હોય તો તમારે તેને અનફોલો કરી દેવું જોઈએ.
પેસિવ યુઝર બની રહેવું
પેસિવ યુઝર એટલે કે તમારા સોશિયલ મિડિયા પર જે કોઈ ન્યુઝ ફીડ આવે તે તમને ગમતું હોય તેમ છતાં તમને તેને લાઈક ન કરો, પણ બસ એમને એમ સ્ક્રોલ કરે રાખો, સારી બાબતોને શેર ન કરો કે પછી કમેન્ટ ન કરો તો તે પણ યોગ્ય નથી.
આ ઉપરાંત તમારે સોશિયલ મિડિયા પર તમારા એક્સને પણ સ્ટોક ન કરવા જોઈએ. તે હવે તમારા જીવનનો ભાગ નથી તે સમજીને આગળ વધવું.
ઓન લાઈન બુલીઇંગ
સામાન્ય જીવનની જેમ ઓન લાઈન પણ તમારી ટીકા કરનારા તમારામાં કંઈક ખરાબ શોધનારા તો તમને મળશે જ. માટે આવા લોકોને તમારે કોઈ પણ પ્રતિસાદ આપવો નહીં કે તેમની કોઈ કમેન્ટ્સથી તમારે નેગેટીવ પણ ન બનવું જોઈએ. આવી સ્થિતિમાં જો તમે યોગ્ય રીતે સામનો ન કરો તો તમે નિરાશ પણ થઈ શકો છો.
તમારી સોશિયલ મિડિયા લાઈફને વધારે પડતું મહત્ત્વ આપવું
સોશિય મિડિયામાં એટલું બધું મગ્ન ન રહેવું કે તમારું વાસ્તવિક જીવન, તમારી આસપાસ રહેતાં પ્રેમાળ લોકો પર ધ્યાન આપવાનું જ ભુલી જાઓ. દરેક બાબતની એક હદ હોય છે.
તમારા મિત્રો, કુટુંબ સાથે જમતા હોવ અને તમે સતત સોશિયલ મિડિયા પર રહો કે પછી તમારી કેરિયરની જગ્યાએ સોશિયલ મિડિયાને વધારે મહત્ત્વ આપો આ બધુ જ તમને છેવટે નુકસાન કરે છે. અને તમે વાસ્તવિક મિત્રો, કુટુંબથી દૂર સોશિયલ મિડિયા પરના અનરિયલ ફ્રેન્ડ્સ પર ડીપેન્ડ રહેવા લાગો છો જે યોગ્ય નથી.
બધા જ નોટીફીકેસન ઓન રાખવા
દરેક એપ્લીકેશન ડાઉનલોડ કરતી વખતે તમને તેમા આવતા વિવિધ અપડેટ્સની જાણકારી આપવા માટે નોટીફીકેશન ઓન રાખવાનું કહેવામાં આવે છે અને તમે તેમ કરો છો. કેટલીક એપ્લીકેશન જેમ કે વ્હોટ્સએપ કે જેમાં તમારે અર્જન્ટ મેસેજ આવતા હોય મેઈલ છે જેમાં તમારા પ્રોફેશ્નલ મેસેજ આવતા હોય ત્યાં સુધી આ નોટીફીકેશન ઠીક છે.
પણ બીનજરૂરી સમાચારો વિગેરેના નોટીફીકેશન તમારા ધ્યાનને તમારા મુખ્ય કામથી દૂર ઠેલે છે તમારી કાર્યક્ષમતા પર તેની અસર થાય છે. માટે તમારે તમારા પ્રોડક્ટીવ કામ તેમજ સોશિયલ મિડિયાના સમયને સેપરેટ રાખવા જોઈએ. અને બીનજરૂરી નોટીફીકેશન બંધ જ રાખવા જોઈએ.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
– તમારો જેંતીલાલ
