સાડી વિથ સ્ટાઈલ
આમ તો ભારતીય મહિલાનું પરંપરાગત વસ્ત્ર પરિધાન સાડી છે. પ્રસંગોપાત તેમજ એક અલગ ઓળખ ઉભી કરવા પણ મહિલાઓ સાડી પહેરવાનું પસંદ કરે છે.
જો કે અત્યારના ઝડપી જીવનમાં સાડી પહેરવાનું ધીરે ધીરે ઓછું થતું જાય છે છતાં પણ સાડીની ગરિમા અકબંધ રહી છે.
વિશેષ પ્રસંગો માં તો મહિલાઓ સાડી પહેરવાનું જ પસંદ કરે છે અને એમાં પણ વિવિધ સ્ટાઇલ અપનાવી વિશેષ પ્રભાવશાળી વ્યક્તિત્વ દર્શાવી શકે છે.
દરેક પ્રદેશની સાડી પહેરવાની રીત પણ જુદી જુદી છે. સાડી નું સૌન્દર્ય શાશ્વત છે. સાડીઓમાં પણ વિવિધ પ્રકાર છે. ફેશનના કોઈપણ ટ્રેન્ડમાં સાડી બરાબર અનુરૂપ છે.
નવગજની એટલે કે પુરા સાડા પાંચ મીટર ની સાડી અલગ અલગ રીતે પહેરી શકાય છે. સાવ સાદી સાડી ને પણ સ્ટાઇલિશ લુક અપનાવી અલગ-અલગ પ્રભાવ ઉભો કરી શકાય છે.
આપણે કેટલી વાર બોલિવૂડ સેલિબ્રિટીઝ ને પણ સાડીઓની અવનવી સ્ટાઈલમાં જોઈ છે.આવો સ્ટાઇલિશ લુક કોઈ પણ અપનાવી શકે છે.
આપણે પણ સાડીની વિવિધ સ્ટાઇલ જોઈએ.
મરમેડ સ્ટાઈલ
વિશે સ્ટાઇલથી પહેરવામાં આવતી મરમેડ સ્ટાઈલની સાડી જાડી કે પાતળી કોઈપણ પ્રકારનો દેખાવ ધરાવતી મહિલા પહેરી શકે છે.
જૂની ફિલ્મોમાં અભિનેત્રીઓ ખાસ મરમેડ સ્ટાઈલની સાડી પહેરતી હતી. મરમેડ સ્ટાઈલની સાડી પહેરવામાં સાડી ને સ્પોર્ટ ની જેમ લપેટીને પહેરવાની હોય છે.
સામેની બાજુ માત્ર બે જ પાટલી આવે છે અને બંગાળી સ્ટાઇલથી ખેંચીને છેડો નાખવાનો હોય છે.
આ પ્રકારે સાડી પહેરવા થી મરમેડ માછલી જેવું ફિગર દેખાય છે.શરીર ફૂલેલું લાગતું નથી.એમ્બ્રોઇડરી બોર્ડરવાળી સાડી મરમેડ સ્ટાઇલથી પહેરવાથી વધુ સારી લાગે છે.
દુપટ્ટાની સાથે
આપણામાંથી ઘણા લોકોએ નાનપણમાં દુપટ્ટામાંથી સાડી બનાવીને પહેરી છે પરંતુ આજે નવી ફેશન મુજબ દુપટ્ટા સાથે સાડી પહેરવામાં આવે છે.
સાડીને પારંપારિક રીતે એટલે કે પાટલી વાળી અને પહેરી લેવાની હોય છે.
ત્યાર બાદ દુપટ્ટા ના એક છેડાને કમરની એક બાજુ ખોસી બીજો છેડો ખભા ઉપર પાટલી વાળીને બેંગોલી સાડી પહેરી હોય તે રીતે રાખવાનો હોય છે.
સાડી અને પ્રસંગને અનુરૂપ દુપટ્ટો પસંદ કરવો જરૂરી હોય છે.
જેગિગ સાથે સાડી
જેગિન્ગ સાથે સાડી પહેરવા થી ઈન્ડો વેસ્ટન લુક આવે છે.સાડીની એક સાઇટથી પાટડી વાળી અને કમર પર ખાસ્સી એવી અને સાડીનો છેડો સાડી પહેરી હોય તે રીતે ખભા ઉપર નાખો.
આ સ્ટાઈલની સાડી પહેરવામાં એક બાજુના પગનું જેગિન્ગ દેખાય છે.આ પ્રકારે સાડી પહેરવાનું સરળ પણ છે.
અને ઝડપથી પહેરાઇ પણ જાય છે .ઉપરાંત નવા પ્રકારની સ્ટાઇલ પણ લાગ છે.
બેલ્ટ કેપ સાડી
બેલ્ટ કેપ સાડી બે પ્રકારની શૈલીનું મિશ્રણ છે.જે પણ પ્રકારે સાડી પહેરવી હોય એ પ્રકારે પહેરી અને કમર ઉપર બેલ્ટ પહેરી લેવાનો હોય છે.
તેને મેચિંગ કોમ્બિનેશનની કેપ પણ પહેરવાથી ગ્લેમરસ લુક દેખાય છે.ઘણી અભિનેત્રીઓ બેલ્ટ કેપ સ્ટાઇલ સાડી અપનાવે છે.
ધોતી સ્ટાઇલ સાડી
આધુનિક જમાનામાં ચણીયા ની જગ્યા પ્લાઝો પેન્ટ સલવાર પટીયાલા લીધી છે ત્યારે ધોતી સ્ટાઈલની સાડી પણ અપનાવી શકાય છે.
ધોતી સ્ટાઈલની સાડી નવો જ આધુનિક લુક આપે છે.ઉપરાંત હરવા-ફરવામાં પણ તેનાથી સરળતા રહે છે.
અત્યારની હોટ ફેવરિટ અભિનેત્રી સોનાક્ષી સિંહા અને સોનમ કપૂરે પ્લાઝો અને પેન્ટ પર સાડી પહેરીને નવી સ્ટાઈલ આપી છે.
ધોતી સ્ટાઈલની સાડી પર હીલવાળા ચંપલ તેમજ જ્વેલરી વધુ સુંદર અને સ્ટાઇલિશ લુક આપે છે.
બસ તો ,હવે સાડી પહેરવાની આવે ત્યારે મોઢું બગાડવાને બદલે જુદીજ સ્ટાઇલથી સાડી પહેરીને તમે પ્રાચીન અને આધુનિક બંને પરંપરાને એક જ સ્ટાઇલથી નિભાવી શકશો અને પ્રસંગમાં કે પાર્ટીમાં ધ્યાન પણ ખેંચી શકશો.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
– તમારો જેંતીલાલ