અધ્યાત્મ

આ 5 રાશિના લોકોને આવે છે ઝડપથી અને ખૂબ જ ગુસ્સો, રહો તેમનાથી દૂર

April 29, 2021

અનેક લોકોનો સ્વભાવ હોય છે કે તેઓ નાની નાની વાત પર પણ ગુસ્સો કરી લેતા હોય છે. કેટલાક લોકો ખૂબ જ જલ્દી નારાજ પણ થઈ જાય છે. એટલું નહીં આ લોકોનો ગુસ્સો એટલો વધારે હોય છે કે તેઓ પોતાના પર નિયંત્રણ રાખી શકતા નથી. તો જાણો કઈ રાશિના લોકોને વધારે અને ઝડપથી ગુસ્સો આવે છે. શક્ય હોય તો આ રાશિના લોકોથી દૂર રહેવું જોઈએ.

વૃષભ

આ રાશિના લોકો જિદ્દી અને ગુસ્સૈલ હોય છે. આ લોકો જલ્દી કોઈની વાત સાંભળતા નથી, નારાજ થતાં જ તેઓ આક્રમક બને છે અને જોરથી ગુસ્સો કરે છે. આ લોકોનો ગુસ્સો જલ્દી ઠંડો પણ થઈ જાય છે. વૃષભ રાશિના લોકો ખાસ કરીને સાચી વાત પર પણ ગુસ્સો કરનારા રહે છે. તેમનામાં ધૈર્યની ખામી હોય છે. તેમના ગુસ્સાથી બચવા માટે તેઓ જ્યારે ગુસ્સામાં હોય ત્યારે તેમનાથી દૂર રહેવું અને વાત કરવાનું ટાળવું જોઈએ. વૃષભ રાશિના લોકોને આ વાતનો અહેસાસ થાય કે તેઓએ તેમની સીમા પાર કરી છે તો તમારે તેમની માફી માંગીને સ્થિતિને સંભાળી લેવી જરૂરી છે.

સિંહ

સિંહ રાશિના લોકો દરેક મુદ્દા પર પોતાની સલાહ આપે છે. આ લોકો દરેક વાત પર તર્ક કરે છે અને સાથે જ પોતાની વાતને મનાવવાથી પાછળ હટતા નથી. ગુસ્સામાં આવ્યા બાદ તેઓ ઉલ્ટું અને સીધુ બોલે છે અને સાથે તેમના સંબંધને પણ ખરાબ કરે છે. આ લોકો ખાસ કરીને પોતાનાથી નાના લોકો પર હકથી ગુસ્સો કરે છે. આ લોકો પોતાની ભૂલને સરળતાથી માની લેતા નથી અને ગુસ્સામાં આવીને અનેકવાર ન કરવાનું કરી લેતા હોય છે. સિંહ રાશિના લોકો ગુસ્સાથી બચવા માટે ચાલાકીથી કામ કરનારા હોય છે. તેમને સીધી રીતે કહેવું કે તેઓ ક્યાં ખોટા છે. જો તમારી વાત ન માને તો તેમને સારી રીતે સમજાવો તે જરૂરી છે. સિંહ રાશિના લોકો સરળતાથી ભૂલ માનતા નથી માટે સાક્ષ્યની સામે પોતાની વાત રાખો તે જરૂરી છે.

વૃશ્વિક

આ રાશિના લોકો ખૂબ જ ગુસ્સાવાળા અને મજબૂત વ્યક્તિત્વ રાખનારા હોય છે. આ લોકો પોતાનો ગુસ્સો જાહેર કરતા નથી અને સાથે અનેક દિવસો સુધી મનમાં ભાવનાઓ રાખે છે. આ લોકો જાણે છે કે તેઓએ શું કરવું અને શું નહીં. તેને કેવી રીતે મેળવવું છે તે પણ તેઓ જાણે છે. કંઈ પણ ખોટું થાય તો તેમનો ગુસ્સો સાતમા આસમાને પહોંચે છે. આ લોકો સરળતાથી નારાજ થતા નથી એટલું જ નહીં જ્યારે તે નારાજ થાય છે તો તેમને કાબૂમાં લેવાનું મુશ્કેલ બને છે. તેઓ જેમને પસંદ કરતા નથી તેમને બેઈજ્જત કરવામાં પણ ખચકાતા નથી. આ લોકોના ગુસ્સાને શાંત કરવાની એક જ રીત છે કે તેમને શાંત રાખવાની કોશિશ કરો. જો તમે કોઈ વૃશ્વિક રાશિના વ્યક્તિની સાથે સંબંધ રાખો છો તો તમારે તેમની મુશ્કેલીઓને સમજાવી દેવી જોઈએ.

ધન

આ અગ્નિ તત્વની રાશિ છે. આ લોકો જ્યારે ગુસ્સો કરે છે તો બધું બરબાદ કરી દેતા હોય છે. ગુસ્સો આવે ત્યારે પોતાના પર પણ કાબૂ રાખી શકતા નથી. બધી વાતને ઉલ્ટી સ્થિતિમાં રાખી દેતા હોય છે. ધન રાશિના લોકોની સારી વાત એ છે કે ભલે આ લોકો કેટલા પણ નારાજ થાય તેમને પોતાની ભૂલનો અહેસાસ સારી રીતે હોય છે. ગુસ્સો ઠંડો થાય તો તમે તેમને સમજાવો અને સાથે કહો કે તેમનો વ્યવહાર બિલકુલ પણ સ્વીકાર કરાશે નહીં. સારું એ છે કે તેમનો ગુસ્સો વધવા ન દો.

મકર
મકર રાશિના લોકો ગુસ્સામાં પોતાનો સંયમ ખોવી બેસતા હોય છે. ક્યારેક તેઓ ગુસ્સામાં ખતરનાક કામ પણ કરી દેતા હોય છે. જે વ્યક્તિ પર ગુસ્સો કરે છે તેને નીચા દેખાડવાનો પણ પ્રયાસ કરી લેતા હોય છે. વધારે ગુસ્સો આવવો એ મકર રાશિના લોકોની સૌથી મોટી નબળાઈ છે. મકર રાશિના લોકો વધારે જવાબદાર સ્વભાવના હોય છે. સારું એ રહેશે કે ગુસ્સાને રચનાત્મક રીતે ઘટાડવા માટેની કોશિશ કરો. તેમની નકારાત્મક ઉર્જાને કોઈને કોઈ કામમાં લગાવવાની કોશિશ કરો. વાત કરવાથી પણ આ લોકોનો ગુસ્સો સરળતાથી શાંત થઈ જાય છે. તેમને મેડિટેશન ક્લાસ આપવાની સલાહ આપી શકાય છે.