કોરોનાવાઈરસ:- કોરોના વાયરસથી બચવા 24 કલાક આ 7 વસ્તુઓ કોઈપણ કિંમતે તમારી સાથે રાખો, કોરોનાવાયરસ નિવારણ ટીપ્સ: કોરોના વાયરસથી બચવા માટે આ આવશ્યક ચીજો આજે જ ખરીદી લો.
ચીનનો જીવલેણ કોરોના વાયરસ ખૂબ ઝડપથી ફેલાઈ રહ્યો છે. છેલ્લા બે મહિનામાં, મૃત્યુના આ કોરોના વાયરસે ચીન સિવાય ભારત સહિત અન્ય 80 દેશોને પોતાની ઝપટમાં લઇ લીધા છે. અત્યાર સુધીમાં, વિશ્વભરમાં 3202 લોકો મૃત્યુ પામ્યા છે અને 93160 લોકોને ચેપ લાગ્યો છે. આમાં સૌથી વધુ 2981 મૃત્યુ ચીનમાં થયા છે, ત્યારબાદ ફક્ત ઇટાલીમાં 79 અને ઇરાનમાં 77 લોકોનું મૃત્યુ થયું છે. WHO એ તેને COVID-19 આપ્યું છે. હજી સુધી કોરોના વાયરસની કોઈ રસી અથવા સારવાર મળી નથી, હજી વૈજ્ઞાનિકો તેના માટે કોઈ ઈલાજ શોધવાનો પ્રયાસ કરી રહ્યા છે.
કોરોના વાયરસના સામાન્ય ચિહ્નો અને લક્ષણો:-
તાવ, ઉધરસ, ખાંસી, શ્વાસ લેવામાં કમી અથવા શ્વાસ લેવામાં તકલીફ એ કોરોના વાયરસના ચિહ્નો અને લક્ષણો હોઈ શકે છે જે 14 દિવસ સુધી રહી શકે છે. હજી સુધી, આ લક્ષણોના આધારે કોરોના વાયરસની ઓળખ કરવામાં આવી રહી છે.
કોરોના વાયરસના સામાન્ય ચિહ્નો અને લક્ષણોમાં શ્વસન સંબંધી લક્ષણો, તાવ, ખાંસી, ઉધરસ, શ્વાસ લેવામાં તકલીફ, વહેતું નાક, વગેરે સામેલ થાય છે. વધુ ગંભીર કેસોમાં ચેપી ન્યુમોનિયા, સેવેર એક્યુટ રેસ્પિરેટરી સિન્ડ્રોમ, કિડની ફેલિયર અને ત્યાં સુધી કે મૃત્યુનું કારણ પણ બની શકે છે.
આ વસ્તુઓ તમારી પાસે અચૂકપણે રાખો.
1. રૂમાલ
કોરોના વાયરસના લક્ષણો ફલૂ જેવા જ છે અને છીંક આવવાથી, ખાંસી આવવાથી, હાથ મિલાવવાથી, ગળે મળવાથી અને હવા દ્વારા ફેલાય છે. તેથી, તમારે તમારી સાથે રૂમાલ રાખવો જોઈએ જેથી છીંક અથવા ખાંસી આવતી વખતે મોં અને નાકને ઢાંકી શકાય.
2. સેનિટાઇઝર
તમારે આલ્કોહોલ આધારિત સેનિટાઇઝર તમારી સાથે રાખવું જોઈએ. ડોકટરો વારંવાર કહેતા હોય છે કે કંઈપણ વસ્તુને સ્પર્શ કર્યા પછી તમારે આલ્કોહોલ આધારિત સેનિટાઈઝરનો ઉપયોગ કરવો જોઈએ. આ સિવાય તમારે મોં, નાક અને આંખોને વારંવાર હાથથી સ્પર્શ કરવાનું ટાળવું જોઈએ.
3. સાબુ
સાદા પાણીથી હાથ ધોવાથી કોઈ ફાયદો થતો હોતો નથી, તેથી તમારે એક સાબુ અથવા બોટલના પેકમાં મળતી સાબુની ફીણ સાથે રાખવું જોઈએ, જેથી તમને જરૂર પડે ત્યારે તમે તમારા હાથ સારી રીતે ધોઈ શકો.
4. સાફ પાણી
તમે તમારી સાથે પાણીની બોટલ જરૂર રાખો. ગમે ત્યાં મુસાફરી કર્યા પછી, તમારા હાથને સ્વચ્છ પાણીથી અને સાબુથી સારી રીતે ધોઈ લો. આ પછી, કોરા રૂમાલથી હાથ જરૂર સાફ કરો.
5. વેટ વાઇપ્સ
જો તમે ઉપર જણાવેલ વસ્તુઓ સાથે રાખી શકતા નથી, તો તમારે ભીના વાઇપ્સ સાથે રાખવા જ જોઇએ. જ્યારે તમે ટ્રેન અથવા બસ દ્વારા મુસાફરી કરીને નીચે ઉતરો છો અથવા કોઈની સાથે હાથ મિલાવો છો, તે પછી તમારા હાથને જરૂરથી સારી રીતે સાફ કરો.
6. જંતુનાશક સ્પ્રે
તમારે જંતુનાશક સ્પ્રે તમારી સાથે જરૂર રાખવો જોઈએ. મુસાફરી દરમિયાન અથવા તમે જ્યાં બેસવાના છો તે સ્થળે તમારે એ જંતુનાશક સ્પ્રે કરવો જોઈએ. જેથી તે સ્થાન પરના જંતુઓનો નાશ થઈ શકે.
7. આલ્કોહોલ પ્રેપ પેડ્સ
સ્માર્ટફોન સ્ક્રીનોમાં ઘણીવાર તે તેલ પ્રતિરોધક બનાવવા માટે ડિઝાઇન કરવામાં આવતું કોટિંગ હોય છે. તેને સાફ કરવા માટે તમે આલ્કોહોલના પ્રેપ પેડ્સનો ઉપયોગ કરી શકો છો. એવું કહેવામાં આવે છે કે મોબાઇલ સ્ક્રીન પર વધુ માત્રામાં જીવજંતુઓ જોવા મળે છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
– તમારો જેંતીલાલ
