નવી નવેલી દુલ્હનએ મેક અપ કીટમાં જરૂર રાખવી આ વસ્તુઓ
લગ્નસરા શરૂ થઈ ચુકી છે. આ સીઝનમાં અનેક યુગલો પ્રભુતામાં પગલા પાડી દંપતિ બનશે. આમ તો લગ્નની તૈયારી માત્ર વર અને કન્યા જ કરતા હોય તેમ નથી.
લગ્ન નક્કી થાય ત્યારથી લગ્ન સંપન્ન થાય ત્યાં સુધી બંનેના પરીવારના સભ્યો વ્યસ્ત રહેતા હોય છે. જો કે બાકી લોકોનું કામ તો લગ્ન સંપન્ન થયા બાદ પૂર્ણ થઈ જાય છે પરંતુ કન્યા માટે લગ્ન બાદ જ પરીક્ષાનો સમય શરૂ થાય છે.
નવવધૂએ પોતાના સાસરામાં સ્થાન બનાવવા ઉપરાંત પોતાનું ધ્યાન પણ રાખવું પડે છે. લગ્ન પછીના શરૂઆતના દિવસોમાં સાસરા પક્ષના પરિવારોને મળવાનું અને અન્ય વિધિઓ કરવાનું થતું હોય છે.
તેવામાં તમામ દોડધામ વચ્ચે પણ લુક પરફેક્ટ રહે તે વાતનું ધ્યાન રાખવું પડે છે. હંમેશા સુંદર દેખાવું હોય તો તેના માટે જરૂરી છે કે લગ્ન પહેલાની તૈયારીના ભાગરૂપે જ તમે એક બ્યૂટી કીટ તૈયાર કરી લો.
જે તમારી સાથે હંમેશા રાખી શકો અને જ્યારે પણ તેને ખોલો તો તમારી જરૂરીયાતની દરેક વસ્તુ તેમાંથી મળી જાય.
હવે પ્રશ્ન હોય કે આ કીટમાં એવી કઈ કઈ વસ્તુઓ હોવી જોઈએ તો તેનું સમાધાન પણ અહીં જ તમને મળી જશે. દરેક નવવધૂએ પોતાની સાથે મેકઅપ માટે જરૂરી આ વસ્તુઓ પોતાની કીટમાં રાખવી જોઈએ.
1. પ્રાઈમર
મેકઅપ લાંબા સમય સુધી ટકી રહે તે માટે પ્રાઈમરનો ઉપયોગ થાય છે. આ પ્રાઈમર તમારી કીટમાં હોય તે પણ સ્વાભાવિક છે. તે તમારા લુકને પરફેક્ટ બનાવશે.
2. બીબી ક્રીમ
ફાઉંડેશન અપ્લાય કરવામાં સમય લાગે છે વળી તેને સેટ પણ થવા દેવું પડે છે. તેથી તમારી કીટમાં તમે ફાઉંડેશનના વિકલ્પ તરીકે બીબી ક્રીમ રાખી શકો છો.
3. કાજલ
આંખને અણીયારી અને સુંદર બનાવવામાં કાજલનો જ કમાલ હોય છે. તેથી કાજલ સાથે અચૂક રાખવું.
4. આઈશેડો
આંખની સુંદરતાને નિખાર આઈશેડો આપે છે. તેથી કીટમાં આઈશેડોના બેઝિક શેડ્સ જરૂરથી રાખવા.
5. લિપસ્ટિક
બ્યૂટી કિટમાં હોઠને સુંદર બનાવવા માટે લિપસ્ટિક અને લિપ બામ પણ રાખવા.
6. નેલપોલિશ
દુલ્હનના મહેંદી ભરેલા હાથ અને પગમાં લાલ રંગની નેલપોલિશ સોને પે સુહાગા જેવી લાગે છે. તેથી રેડ કલરની નેલપોલિશ મેકઅપ કીટમાં હમેશા રાખો.
7. મસ્કરા
આંખનો મેકઅપ જો પરફેક્ટ રીતે કરેલો હશે તો ચહેરાની સુંદરતામાં ચાર ચાંદ લાગી જશે અને એટલા માટે જ જરૂરી છે મસ્કરા જે આઈ મેકઅપને કમ્પ્લીટ કરશે.
8. મેકઅપ રિમૂવર
જેટલું જરૂરી મેકઅપ કરવું છે તેટલું જ જરૂરી મેકઅપ રીમૂવ કરવું પણ છે. રોજ સવારે મેકઅપ કર્યા બાદ રાત્રે સૂતા પહેલા મેકઅપ સાફ કરવું ખૂબ જરૂરી છે.
તેના માટે કિટમાં સારી કંપનીનું મેકઅપ રિમૂવર રાખવું જોઈએ. સૂતા પહેલા મેકઅપને સાફ લરી લેશો તો તમારી ત્વચા સ્વસ્થ રહેશે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
– તમારો જેંતીલાલ