દરરોજ ફળો ખાવાથી શરીર સ્વસ્થ રહે છે પરંતુ દરેક ફળ સમાન પોષણ આપતું નથી. કેટલાક એવા ફળ છે જે ખૂબ ફાયદાકારક છે અને શરીરને ગંભીર રોગોથી બચાવે છે. તો ચાલો જાણીએ એવા 10 ફળો વિશે જેમને સૌથી હેલ્ધી માનવામાં આવે છે.
પોમેલો
આ ફળનું નામ છે પોમેલો આ ફળ ચકોતરા નામે પણ ઓળખાય છે. પોમેલો ખાટાં ફળોમાં સૌથી હેલ્ધી માનવામાં આવે છે. તે વિટામિન અને ખનિજોનો શ્રેષ્ઠ સ્રોત છે. વજન ઘટાડવા ઉપરાંત, તે ઇન્સ્યુલિનનું સ્તર પણ ઘટાડે છે. સંશોધન મુજબ જે લોકોએ બપોરના ભોજન પહેલાં અડધું પોમેલો ફળ ખાધું હતું, તેમના વજનમાં 1.3 નો ઘટાડો જોવા મળ્યો હતો. આ ઉપરાંત પોમેલો કોલેસ્ટ્રોલનું સ્તર ઘટાડે છે અને કિડનીમાં થતી પથરીને રોકવામાં મદદ કરે છે.
અનાનસ
અનાનસ પોષણનો સુપરસ્ટાર કહેવામાં આવે છે. એક કપ દૈનિક અનાનસના સેવનમાં 131 ટકા વિટામિન સી અને 76 ટકા મેંગેનીઝ મળે છે. અનાનસમાં બ્રોમેલેન હોય છે જે એન્ટી-ઇન્ફ્લેમેટરી એન્ઝાઇમ્સનું મિશ્રણ છે અને તે પ્રોટીનને ડાયજેસ્ટ કરવાની ક્ષમતા માટે જાણીતું છે. ટેસ્ટ-ટ્યુબ અને પ્રાણીઓ પર થયા અધ્યયનોએ દર્શાવ્યું છે કે અનાનસમાં મળતું બ્રોમેલેઇન કેન્સરની ગાંઠોને વધતા અટકાવે છે.
એવોકાડો
મોટાભાગના ફળોમાં કાર્બ્સ ઘણાં પ્રમાણમાં જોવા મળે છે, પરંતુ કાર્બ્સ ખૂબ ઓછા હોય છે અને એવોકાડોમાં સ્વસ્થ ચરબી જોવા મળે છે. એવોકાડોમાં જોવા મળતી મોનોસેટ્યુરેટેડ ચરબી સોજા ઘટાડે છે અને હૃદયને સ્વસ્થ રાખે છે. એવોકાડો પોટેશિયમ, ફાઇબર અને મેગ્નેશિયમથી ભરપૂર છે. એક સંપૂર્ણ એવોકાડો શરીરમાં 28 ટકા પોટેશિયમ પૂરું પાડે છે. પોટેશિયમની યોગ્ય માત્રા હાઈ બ્લડ પ્રેશર ઘટાડે છે અને સ્ટ્રોકના જોખમને અટકાવે છે.
સફરજન
સફરજન સૌથી લોકપ્રિય અને પોષકથી ભરપૂર ફળ છે. તેમાં ફાઇબર, વિટામિન સી, પોટેશિયમ, વિટામિન કે અને વિટામિન બી વધુ માત્રામાં હોય છે. અધ્યયનો દર્શાવે છે કે સફરજનમાં મળતા એન્ટીઓકિસડન્ટો હૃદયને સ્વસ્થ રાખે છે અને ટાઇપ -2 ડાયાબિટીઝ, કેન્સર અને અલ્ઝાઇમરનું જોખમ ઘટાડે છે. આ સિવાય સફરજન હાડકાને સ્વસ્થ રાખવામાં મદદ કરે છે. સફરજનમાં મળતું પેક્ટીન આંતરડામાં સારા બેક્ટેરિયાને વધારે છે અને પાચન અને મેટાબિલિઝમમાં સુધારો કરે છે.
કેળા
કેળામાં વિટામિન, ખનિજો અને પોટેશિયમ ભરપુર માત્રામાં હોય છે. હળવા કાચા કેળામાંથી મળતું કાર્બ બ્લડ સુગરને કંટ્રોલ કરે છે અને તેને ખાવાથી ઝડપથી ભૂખ નથી લગતી. કેળા પાચનતંત્રને મજબૂત બનાવે છે. અધ્યયનોમાં જાણવા મળ્યું છે કે કસરત કરતા પહેલા કેળા ખાવાથી શરીરને ઘણી શક્તિ મળે છે.
પપૈયા
પપૈયા એક ખૂબ જ આરોગ્યપ્રદ ફળ છે જે વિટામિન સી, વિટામિન એ, પોટેશિયમ અને ફોલેટથી ભરપૂર છે. તેમાં લાઇકોપીન જેવા એન્ટી કેન્સર એન્ટીઓકિસડન્ટો પણ જોવા મળે છે. અધ્યયનો દર્શાવે છે કે શરીરને ફળો અને શાકભાજી કરતા પપૈયાથી વધુ લાઇકોપીન મળે છે. પપૈયા પાચનમાં પણ સુધારો કરે છે. આ સિવાય વજન ઘટાડવામાં પણ તે અસરકારક છે.
દાડમ
દાડમ પણ આરોગ્યપ્રદ ફળ માનવામાં આવે છે. દાડમમાં ગ્રીન ટી અને રેડ વાઇન કરતા ત્રણ ગણા વધુ એન્ટીઓકિસડન્ટો હોય છે. અધ્યયનોએ શોધી કાઢ્યું છે કે દાડમમાં જોવા મળતા બળતરા વિરોધી ગુણધર્મો કેન્સરનું જોખમ ઘટાડવામાં મદદ કરે છે.
તરબૂચ
તરબૂચમા વિટામિન એ અને સી સારી માત્રામાં જોવા મળે છે. તેમાં એન્ટીઓકિસડન્ટો જેવા કે લાઇકોપીન, કેરોટિનોઇડ્સ અને કુકરબિટિસિન ઇ હોય છે જે કેન્સર જેવા ગંભીર રોગો સામે રક્ષણ આપે છે. લાઇકોપીન હૃદયને સ્વસ્થ રાખે છે અને બ્લડ પ્રેશર અને કોલેસ્ટરોલનું વધતું પ્રમાણ ઘટાડે છે. તરબૂચ ખાવાથી શરીરમાં ક્યારેય પાણીની અછત રહેતી નથી.
બ્લુબેરી
બ્લુબેરીમાં તે બધા જરૂરી પોષક તત્વો હોય છે જે શરીર માટે જરૂરી છે. તે ફાઇબર, વિટામિન સી, વિટામિન કે અને મેંગેનીઝથી ભરપૂર છે. અન્ય ફળોની તુલનામાં બ્લુબેરીમાં ઘણા બધા એન્ટીઓકિસડન્ટો હોય છે જે હૃદય રોગ, ડાયાબિટીઝ અને અલ્ઝાઇમરનું જોખમ ઘટાડે છે. એક અધ્યયનમાં જાણવા મળ્યું છે કે બ્લુબેરીના નિયમિત સેવનથી શરીરમાં પ્રાકૃતિક કિલર કોષો વધી જાય છે, જે શરીરને વાયરલ ચેપથી બચાવે છે. બ્લુબેરી ખાવાથી યાદશક્તિ પણ વધે છે.
કેરી
કેરી વિટામિન સીનો ઉત્તમ સ્રોત છે. તેમાં દ્રાવ્ય ફાઇબર હોય છે, જે શરીર માટે ખૂબ ફાયદાકારક છે. આ ઉપરાંત, કેરીમાં એન્ટીઓકિસડન્ટ અને બળતરા વિરોધી ગુણધર્મો હોય છે જે રોગોનું જોખમ ઘટાડે છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
નોંધ –
આ વેબસાઈટ પર આપેલા નુસખા, આયુર્વેદ તથા નેચરલ પધ્ધતિઓ, ફીટનેસ ટિપ્સ તથા કસરત વગેરે દરેક બાબતો દરેક વ્યક્તિની તાસીર અનુસાર કામ કરે છે. કોઈ એક વ્યક્તિને થયેલ ફાયદો કે નુક્સાન બધાને જ થાશે એવું માનવું જોઈએ નહીં. તમારા ડોક્ટરને મળીને અથવા પૂછીને જ કોઈ પણ પ્રયોગ અપનાવવો જોઈએ. મોટા ભાગના આવા પ્રયોગો નિર્દોષ હોય છે. પણ, ક્યારેક તાસીર અનુસાર તકલીફ પણ પડી શકે.
આપણું પેજ “હેલ્થ ગુજરાત” માણતા રહો અને શેર કરતા રહો!
આપના સહકારની આશા સહ,
ટીમ હેલ્થ ગુજરાત
