રામાયણની આ અભિનેત્રીએ બાળપણની તસવીર શેર કરી, અને કહ્યું કે, ‘કોણ જાણતું હતું કે હું ઐતિહાસિક સિરિયલમાં કામ કરીશ’
હાલમાં લોકડાઉનના સમય દરમ્યાન dd ચેનલ પર ફરીથી એકવાર રામાયણનું પ્રસારણ શરૂ કરવામાં આવ્યું હતું અને આ દરમ્યાન રામાયણને દુનિયામાં સૌથી વધુ વખત જોવાયેલ સિરિયલનો ખિતાબ મળ્યો હતો. ત્યારે રામાયણના અમુક પાત્ર જેને નિભાવ્યા છે તે સોશિયલ મીડિયા પર ખૂબજ એક્ટિવ રહેવા લાગ્યા છે.
‘રામાયણ’ની રજૂઆત થઈ ત્યારથી તેના કલાકારો સોશિયલ મીડિયા પર એકદમ એક્ટિવ થઈ ગયા છે. તે તેના ફોટા અને વીડિયો ફેન્સ સાથે શેર કરી રહ્યો છે. ખાસ કરીને, થ્રોબેક ચિત્રો પર ચાહકોની મનોરંજક પ્રતિક્રિયાઓ આવે છે. આવી સ્થિતિમાં હવે રામાયણમાં મુખ્ય પાત્ર ભજવનારી એક અભિનેત્રીએ પણ બાળપણની તસવીરો ચાહકો સાથે શેર કરી છે.
જો તમે હજી સુધી તસવીર જોઇને ઓળખી નથી શક્યા, તો ચાલો તમને જણાવીએ કે આ અભિનેત્રી કોણ છે. તે બીજી કોઈ નહીં પણ ‘રામાયણ’માં સીતાનો રોલ કરનારી દીપિકા ચીખલીયા છે. અભિનેત્રી આ દિવસોમાં સોશિયલ મીડિયા પર એકદમ એક્ટિવ છે. તસવીર શેર કરતા દીપિકાએ કહ્યું કે તે બાળપણના દિવસો ખૂબ યાદ કરી રહી છે.
તસવીરમાં દીપિકાએ સાડી પહેરી છે અને તે ખૂબ જ સુંદર લાગી રહી છે. દીપિકાએ કેપ્શનમાં લખ્યું છે કે, “બાળપણ કેટલું સુંદર છે. અને તે મને જગજીતસિંહ જીની ગઝલની યાદ અપાવે છે, ‘लौटा दो मुझे मेरे बचपन का सावन… वो कागज की कश्ती।’ કોણ જાણતું હતું કે આ છોકરી મોટી થઈ ને એક દિવસ ઐતિહાસિક સિરીયલમાં કામ કરશે.”
દીપિકા હજી પણ ‘રામાયણ’ની સીતા તરીકે ઓળખાય છે. 80 ના દાયકામાં જ્યારે આ સિરિયલ પ્રસારિત થઈ હતી, ત્યારે લોકોએ સીતા તરીકે તેમની પૂજા શરૂ કરી હતી. દીપિકા જ નહીં, ‘રામાયણ’ના અન્ય કલાકારો સાથે પણ એવું જ થયું હતું.
દીપિકા 18 વર્ષની હતી ત્યારે તેને સીતાનો રોલ મળ્યો હતો. જ્યારે રામાનંદ સાગર આ ભૂમિકા માટે અભિનેત્રીની શોધમાં હતા ત્યારે તેમણે કહ્યું હતું કે, એવી અભિનેત્રી હોવી જોઈએ જે બે-ત્રણ છોકરીઓ સાથે ચાલે, તો પ્રેક્ષકોને તે કહેવું ન પડે કે તે સીતા છે. તેમને પોતાને જોઈને ખબર પડી જાય. જ્યારે દીપિકા આ ભૂમિકા ઓડિશન આપવા પહોંચી ત્યારે ઓડિશન ત્રણથી ચાર વખત લેવામાં આવી હતી, ત્યારે તેની પસંદગી કરવામાં આવી હતી.
30 વર્ષ પછી પણ જ્યારે કોઈ દીપિકાને જુવે ત્યારે લોકો તેને સીતા તરીકે જ ઓળખે છે. દીપિકાની ઓળખ સીતા તરીકે જ થઈ ગઈ છે. હાલમાં થોડા સમય પહેલા સિરિયલને જ્યારે 30 વર્ષ થયાં ત્યારે 30 વર્ષની ઉજવણી રૂપે રામ સીતા અને લક્ષ્મણ કપિલ શર્માના શોમાં આવ્યા હતા.
લોકો આજ પણ રામાયણના કોઈ પણ પાત્ર વિશે જ્યારે વિચારતા હશે ત્યારે રામાનંદ સાગરની સીરિયલમાં પાત્રજ નજર સામે આવતા હોય છે. રામ અને સીતા ઉપરાંત લક્ષ્મણ અને હનુમાનના પાત્ર પણ લોકોના મગજમાં એટલા ફિટ બેસી ગયા છે કે લોકો આ પાત્ર સિવાય બીજાની કલ્પના પણ કરતા નથી.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
– તમારો જેંતીલાલ
