વજન ઉતારવું છે ? તો વજન ઘટાડવા ઉપયોગી પીણાં અને વજન વધારતા પીણાં અંગે માહિતગાર થાવ
સૌને સ્લિમ એન્ડ ટ્રીમ દેખાવાની સાથે સાથે સ્વસ્થ અને નિરોગી રહેવું પણ ગમે છે જેના માટે વજન નિયંત્રિત રાખવો જરૂરી છે.
જો તમે વજન ઘટાડવાના પ્રયત્નો કરી રહ્યા હોવ અને ધારી સફળતા ન મળી રહી હોય તો તમને કેટલાક મહત્ત્વના ઉપાય બતાવીએ જેના દ્વારા વજન ઓછું થશે અને વજન ઓછું થવાથી સુંદરતા અને સ્વસ્થતા બંને મેળવી શકાશે.
વજન ઓછું કરવા માટે એક ચોક્કસ કાર્યક્રમ કરવો જરૂરી છે અને ચુસ્તપણે એને વળગી રહેવું પણ એટલું જ જરૂરી છે.
મોટે ભાગે એવું બનતું હોય છે કે વજન ઓછું કરવા માટે ડાયટ પર તો આપણે ધ્યાન આપીએ છીએ પરંતુ કેટલું પ્રવાહી લેવું અને કયા પ્રકારનું પ્રવાહી લેવું તે અંગે બેદરકાર હોઈએ છીએ.
પરંતુ યોગ્ય માત્રામાં પ્રવાહી લેવામાં આવે તો ભૂખ પર નિયંત્રણ મેળવી શકાય છે જેને કારણે ખોરાકમાં ઓછી કેલરી લેવાય છે. જે ઘટાડવામાં ઉપયોગી બને છે.
કેટલાક એવા પીણા પર ધ્યાન આપીએ છીએ જે વજન ઓછું કરવામાં મદદરૂપ છે જ્યારે કેટલાક એવા પણ છે જે વજન ઓછું કરવાના સ્વપ્નને વિખેરી પણ શકે છે.
વજન ઓછું કરવા માટે સૌથી પહેલો ઉપાય યોગ્ય માત્રામાં પાણી પીવાનો છે.
ભોજનના સમયે પહેલા બે ગ્લાસ પાણી પીવાથી પેટ ભરેલું હોય તેવી અનુભૂતિ થાય છે તેને કારણે ભોજન પર નિયંત્રણ પણ રહેશે અને ભોજન પહેલાં પાણી પીવાથી મેટાબોલિઝ્મ પણ સુધરે છે. પાણી પીવાના બીજા પણ ઘણા ફાયદા છે.
યોગ્ય માત્રામાં પાણી પીવાથી શરીરના ટોક્સિક બહાર નીકળે છે, બ્લડ સર્ક્યુલેશન યોગ્ય રીતે થઇ શકે છે, ત્વચા પણ સ્વસ્થ અને સુંદર રહે છે. પાણી શરીરને હાઈડ્રેટ રાખે છે. પાણીમાં રહેલું ચૈતન્ય શરીરને સ્ફૂર્તિદાયક રાખે છે.
સોયામિલ્ક
વજન ઉતારવાનો પ્રયત્ન ચાલુ હોય એ દરમિયાન ઓછી કેલરી ધરાવતા અને વધુ પોષક તત્વો ધરાવતા આહાર પર ધ્યાન આપવું. સોયામિલ્ક વજન ઉતારવામાં ઉપયોગી પીણું છે. સોયામિલ્ક માં અન્ય દૂધ ની સરખામણીમાં કેલરી ઓછી હોય છે અને પ્રોટીનની માત્રા વધુ હોય છે જેથી વજન ઉતારવા માટે સોયામિલ્ક શ્રેષ્ઠ વિકલ્પ છે.
ગ્રીન ટી
ઝડપથી વજન ઉતારવા માટે ગ્રીન ટી સારામાં સારો ઉપાય છે. ગ્રીન ટીમાં કેલરીનું પ્રમાણ નહીંવત્ હોય છે ઉપરાંત તે એન્ટિ-ઓક્સિડન્ટ હોવાથી શરીરના ઝેરી તત્વોને પણ આસાનીથી બહાર ફેંકી શકે છે. દિવસમાં બે વખત ગ્રીન ટીનો ઉપયોગ કરવાથી વજન ઓછું થાય છે.
એક વાત ચોક્કસ છે કે વજન ઉતારતી વખતે આહારના પોષક તત્વો ઉપર પણ ધ્યાન આપવું જરૂરી છે. સમતોલ આહાર અને યોગ્ય કસરત વજન અને નિયંત્રિત કરી શકે છે.
આ તો થઈ વજન ઉતારવામાં મદદરૂપ પીણાની વાત પણ કેટલાક પ્રેરણા એવા પણ છે જે વજન વધારે છે.
સોડા
ઘણા લોકોને સોડા પીવાની ટેવ હોય છે પરંતુ સોડાની એક બોટલમાં ઘણી માત્રામાં કેલરી ઉપલબ્ધ છે.જોકે ડાયટ સોફ્ટ ડ્રિંક નો ઉપયોગ કરીને ઓછી કેલરી ધરાવતી પ્રોડક્ટ અપનાવી શકાય છે, પરંતુ તેમાં પણ કેલરી તો મળે જ છે જેથી વજન વધવાનો ભય રહે છે.
કોકટેલ
પાર્ટીઓમાં કોક તેલનો ઉપયોગ વધુ થતો હોય છે.cocktail ડ્રિંકમાં વિપુલ માત્રામાં કેલરી અને શુગર રહેલા છે.કોકટેલ ડ્રિંકમાં સોડા અને જ્યુસનું મિશ્રણ કરવામાં આવે છે.
જોકે cocktail ના બદલે વોડકા અને ક્લબ સોડાનો ઉપયોગ કરી શકાય છે.એક હાઉસ વોડકા માં 70થી 100 કેલેરી હોય છે અને ક્લબ સોડામાં કોઈપણ પ્રકારની કેલરી હોતી નથી.
mocktail
આલ્કોહોલ વગરના પીણામાં કેલરી હોતી નથી એવું માનવું ભૂલ ભરેલું છે.મોકટેલમાં વિવિધ જ્યુસનું મિશ્રણ હોય છે પરંતુ તેમાં કયા જ્યુસ વાપરવામાં આવ્યા છે તેની ઉપર તેની કૅલરી નિર્ભર રહે છે. મોકટેલમાં શુગરની માત્રા પણ વધુ પ્રમાણમાં હોય છે.
જો આલ્કોહોલ વગર નું પીણું બનાવવું હોય તો સ્પાર્કલિંગ વોટર સાથે જડીબુટ્ટી અને મસાલાનો ઉપયોગ કરીને બનાવી શકાય છે જે પ્રમાણમાં ઓછી કેલરી અને ઓછી શુગર ધરાવે છે.
બજારમાં મળતાં સોફ્ટ ડ્રિન્ક અને પ્રિઝવર્ડ જ્યુસમા વધુ માત્રામાં શુગર અને કેલરી રહેલા છે.જ્યુસ પીવાની ઈચ્છા હોય તો તાજા ફળ માંથી જાતે જ તૈયાર કરવો જોઈએ.જ્યૂસ કરતા પણ ફળ ખાવા વધુ ફાયદાકારક છે કારણ કે ફળમાં રહેલા ફાઈબર વજન ઘટાડવામાં વધુ મદદરૂપ થાય છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
– તમારો જેંતીલાલ
