ગોંડા જિલ્લામાં મંગળવારે રાત્રે બનેલા એક ભયાનક અકસ્માતમાં રસોઈ બનાવતી વખતે સિલિન્ડર બ્લાસ્ટ થયો હતો. આ અકસ્માતમાં આઠ લોકોના કરૂણ મોત નીપજ્યા છે. વિસ્ફોટ એટલો તીવ્ર હતો કે આખું ઘર ધરાશાયી થઈ ગયું હતું.
15 લોકો ઘરના કાટમાળ નીચે દટાયા
જિલ્લાના વજીરગંજ પોલીસ સ્ટેશન વિસ્તાર હેઠળના ટિકરી ગામના થેરપુરવામાં મંગળવારે રાત્રે 10 વાગ્યા પછી ભોજન બનાવતી વખતે ગેસ સિલિન્ડરમાં વિસ્ફોટ થયો હતો. આ કારણે આખું મકાન ધરાશાયી થયું હતું. 15 લોકો ઘરના કાટમાળ નીચે દટાયા હતા. ઘટના સ્થળે, સ્થાનિક લોકો અને પોલીસે ઈજાગ્રસ્ત હાલતમાં સાત લોકોને બહાર કાઢ્યા હતા અને જિલ્લા હોસ્પિટલમાં દાખલ કર્યા હતા. આ અકસ્માતમાં ત્રણ મહિલાઓ સહિત આઠ લોકોનાં મોત નીપજ્યાં હતાં.
અનેક પોલીસ મથકોની પોલીસ ઘટના સ્થળે પહોંચ
મંગળવારે રાત્રે દસ વાગ્યે ટિકરીના થેરપુરવા નિવાસી નુરુલહસનના પુત્ર નસિહત અલીના ઘરે ભોજન રાંધવામાં આવતું હતું. રસોઈ બનાવતી વખતે સિલિન્ડરમાં વિસ્ફોટ થયો. ડાયલ 112 એ આ અંગેની જાણ એસ.પી. કન્ટ્રોલ રૂમમાં કરી હતી. રાત્રે 11 વાગ્યે વજીરગંજ પોલીસ સ્ટેશન, આઈજી ડો.રાકેશસિંહ, એસપી સંતોષ મિશ્રા સહિત અનેક પોલીસ મથકોની પોલીસ ઘટના સ્થળે પહોંચી હતી. બચાવ કામગીરી ચલાવી જેસીબી મદદથી કાટમાળ કાઢી સાત લોકોને જીવતા બહાર કાઢવામાં આવ્યા હતા. તમામ સાત ઇજાગ્રસ્તોને જિલ્લા હોસ્પિટલમાં મોકલવામાં આવ્યા છે. ઘટનાને પગલે સમગ્ર વિસ્તારમાં થોડા વાર માટે અફરા તફરી મચી ગઈ હતી.
જિલ્લા હોસ્પિટલમાં તમામને સારવાર આપવામાં આવી રહી છે
આ અકસ્માતમાં નિસાર અહેમદ, શમશાદ અહેમદ, શહરુલનીશા, રૂબીના, શાહબાઝ, નૂરી સબા, મેરાજ અને સુહેબનું મોત નીપજ્યું હતું. તે જ સમયે, મોહમ્મદ ઝૈદ (8) પુત્ર નિસાર અહેમદ, નિઝામ (10) પુત્ર આરિફ શેખ, રેહાના પુત્ર આરિફ, ઇરશાદ અહેમદ પુત્ર નુરુહલસન, નૂરુલ્હાસન પુત્ર નસીરુદ્દીન, અનિસા બાનો, ફકીર મોહમ્મદને ગંભીર ઈજાઓ પહોંચી હતી. તમામ ઇજાગ્રસ્તોને રાત્રે 1 વાગ્યા પછી જિલ્લા હોસ્પિટલમાં દાખલ કરાયા હતા જ્યાં તમામને સારવાર આપવામાં આવી રહી છે.
યોગી આદિત્યનાથે આ મામલે તપાસના આદેશ આપ્યા
મુખ્યમંત્રી યોગી આદિત્યનાથે આ મામલે તપાસના આદેશ આપ્યા છે. તેમણે આ અકસ્માતમાં જાનહાનીના મામલે ઉંડો શોક વ્યક્ત કર્યો હતો અને રાહત અને બચાવ કામગીરી ઝડપથી ચલાવવા અને ઈજાગ્રસ્તોને યોગ્ય સારવાર પુરી પાડવા અધિકારીઓને નિર્દેશ આપ્યા હતા. તેમણે મૃતકના શોકગ્રસ્ત પરિવારો પ્રત્યે શોક વ્યક્ત કર્યો હતો. મુખ્યમંત્રીએ ડિસ્ટ્રિક્ટ મેજિસ્ટ્રેટને આ અકસ્માતનાં કારણોની તપાસ કરી રિપોર્ટ આપવા નિર્દેશ આપ્યો છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
નોંધ – દરેક ફોટો પ્રતીકાત્મક છે (ફોટો સોર્સ : ગુગલ)
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
આ વેબસાઈટ પર આપેલી તમામ ન્યુઝ અને વાતો રિપોર્ટરે રિપોર્ટ કરેલા છે અથવા તો કોઈક સોર્સ ઉપરથી લેવામાં આવેલા છે કે જે દરેક લેખના અંતમાં આપેલો જ હોય છે. અમારો પ્રયત્ન તમને શ્રેષ્ઠ માહિતી સતત પહોંચાડવાનો છે અને રહેશે. આ ન્યુઝ તથા અન્ય વાતોની જવાબદારી જે-તે લેખક (રિપોર્ટર) તથા સોર્સની રહેશે જલ્સા કરોને જેંતીલાલ વેબસાઈટ કે પેજની રહેશે નહીં.
આપણું પેજ “જલ્સા કરોને જેંતીલાલ” માણતા રહો અને શેર કરતા રહો!
