મીઠા લીમડાથી (કરી પત્તાં) વાળનું તૂટવું-ખરવું અને અકાળે સફેદ થવાની સમસ્યાને દૂર કરો.
જો તમે વાળ તૂટવા-ખરવા સાથે વાળના અકાળે સફેદ થવાની સમસ્યાથી પરેશાન છો, તો મોંઘી ટ્રીટમેન્ટ લેતા પહેલા એક વાર મીઠા લીમડાના પાનનો (કરી પાન) એકવાર ઉપયોગ જરૂર કરી ખાતરી કરી લો. જાણો તેનો ઉપયોગ કેવી રીતે કરવો?
જોકે મીઠા લીમડા (કરીના પાન)નો ઉપયોગ દક્ષિણ ભારતીય વાનગીઓમાં સુગંધ વધારવા માટે કરવામાં આવે છે, પરંતુ આ સિવાય વાળની વૃદ્ધિ અને અકાળે સફેદ થવાની સમસ્યાને દૂર કરવામાં પણ તે ઉત્તમ છે.
તો ચાલો જાણીએ મીઠા લીમડાના પાન (કરી પાન) વાળ સંબંધિત બીજી કઈ સમસ્યાઓ માટે અસરકારક છે.
વાળના વિકાસ માટે:-
મીઠા લીમડામાં હાજર તત્વો વાળને તૂટવાથી અને ખરવાથી રોકે છે અને તેમનો વિકાસ વધારે છે.
કેવી રીતે ઉપયોગ કરવો:-
– 1/2 કપ નાળિયેર તેલ અને 1/4 કપ મીઠા લીમડાના પાંદડા લો.
– કડાઈમાં નાળિયેર તેલ ગરમ કરો. ત્યારબાદ તેમાં મીઠા લીમડાના પાન નાંખો અને 15 મિનિટ સુધી ઉકાળો.
– ગેસ બંધ કરો અને તેને સંપૂર્ણપણે ઠંડુ થવા દો.
– તેને બોટલમાં ભરી સંઘરી રાખો અને તેનો ઉપયોગ અઠવાડિયામાં બે વાર કરો.
અકાળે થતા સફેદ વાળ માટે:-
ખરાબ ખાનપાન અને જીવનશૈલીને લીધે અકાળે વાળ સફેદ થવાની સમસ્યા ખૂબ સામાન્ય થઈ ગઈ છે. જેને મીઠા લીમડાના પાનનો ઉપયોગ કરીને ઘણી સારી રીતે કાબુમાં કરી શકાય છે.
કેવી રીતે ઉપયોગ કરવો:-
સરસવ અને બદામ તેલનો 1/4 જથ્થો લો અને તેમાં 1/4 કપ તાજા મીઠા લીમડાના પાનને ઉમેરો.
જો તમે ઇચ્છતા હોવ તો, તમે સુકા મીઠા લીમડાના પાનનો પાવડર તરીકે પણ ઉપયોગ કરી શકો છો.
હવે તેલને 15 મિનિટ સુધી ગરમ કરો અને પછી તેને ઠંડુ કરો.
હવે આ તેલને પ્લાસ્ટિકની બોટલમાં ભરો અને વાળમાં અઠવાડિયામાં બેથી ત્રણ વાર લગાવો.
ચમકતાં અને મજબૂત વાળ માટે:-
વાળને નરમ, ચમકતાં અને મજબૂત બનાવવા માટે મીઠા લીમડાના પાન એક શ્રેષ્ઠ વિકલ્પ છે. શુષ્ક વાળને પોષણ આપવા માટે પણ તેનો ઉપયોગ કરવામાં આવે છે.
કેવી રીતે ઉપયોગ કરવો:-
1/2 કપ મીઠા લીમડાના પાંદડા 2 કપ પાણીમાં ત્યાં સુધી ઉકાળો જ્યાં સુધી પાણીના જથથાની માત્રા 1 કપ જેટલી ન થઇ જાય. આ મિશ્રણ ને ઠંડુ થવા દો અને શેમ્પૂ પછી આ પાણીથી વાળ ધોઈ લો.
વાળને મજબૂત અને ચમકતા બનાવવાની સાથે સાથે ફ્રિઝી વાળની પણ સમસ્યાને દૂર કરી શકે છે.
સ્વસ્થ વાળ માટે:-
વાળને તંદુરસ્ત અને મજબૂત બનાવવામાં હેયર માસ્કની ભૂમિકા ખૂબ જ વિશેષ હોય છે. મીઠા લીમડાના પાનથી બનેલો આ વાળનો માસ્ક વાળને મજબૂત બનાવવામાં મદદ કરે છે તેમજ અકાળ સફેદ થતાં વાળની સમસ્યાને પણ દૂર કરે છે.
વાળનો માસ્ક કેવી રીતે બનાવવો:-
આ માટે મીઠા લીમડાનાં પાન, આમળા અને શિકાકાઈનો પાઉડર મિક્સ કરો અને તેને 1 કપ પાણીમાં 10 મિનિટ સુધી ઉકાળો.
સંપૂર્ણપણે ઠંડુ થયા પછી, તેને સારી રીતે મેશ કરો. હવે તેને ખોપરી ઉપરની ચામડી પર લગાવો.
તેને એક કલાક સુધી લગાવી રાખો અને પછી તેને સ્વચ્છ પાણીથી ધોઈ લો.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
– તમારો જેંતીલાલ