શરીરમાં થતી તમામ પ્રકારની બળતરાઓ, તાવ તથા શરીરમાંથી વિવિધ રીતે રક્તનું વહેતી બીમારી (રક્તપિત્ત), ક્ષય, મહાત્વય એટલે કે વધુ પડતા મદ્યપાનને લીધે થતી તકલીફ, ઉધરસ, અવાજમાં આવતી વિકૃતિ કબજિયાત વગેરે અનેક દર્દોને મટાડી શકે એવું એક તત્વ કયું હોઈ શકે? આ પ્રશ્નનો જવાબ હજારો વર્ષ પૂર્વ ઋષિમુનિઓએ આયુર્વેદમાંથી આપ્યો છે; દ્રાક્ષ.
દ્રાક્ષમાં અનેક ગુણ છે જે જાણીને તમે રોજ દ્રાક્ષ ખાવાનું મન થઈ જશે. નિષ્ણાંતોના કહેવા મુજબ સૂકી દ્રાક્ષને પલાળીને ખાવાથી તેના સાત્વિક ગુણમાં વધારો કરે છે. ભરપૂર માત્રામાં આયર્ન, પોટેશિયમ, કેલ્શિયમ, મેગ્નેશિયમ અને ફાઈબર તો હોય જ છે. સાથે તેમાં નેચરલ શુગર પણ વધુ પ્રમાણમાં રહેલી હોય છે.
અનેક પ્રયત્નો પછી પણ જો વજન ન વધે તો દરરોજ તમારે સૂકી દ્રાક્ષ ખાવી જોઈએ. સરળતાથી વજન વધારવાનો આ શ્રેષ્ઠ ઉપાય છે. તેનાથી માત્ર વજન જ નહીં, શરીરમાં એનર્જી પણ વધે છે. કારણ કે કેલરીનું પ્રમાણ પલાળેલી દ્રાક્ષમાં બહુ વધારે રહેલું હોય છે. પરંતુ સાવધાન ! તેનું સેવન પણ વધુ માત્રામાં ન લેવું. પલાળેલી દ્રાક્ષને લીધે પાચનની સમસ્યાથી છૂટકારો મળે છે. દરેક પ્રકારના પૌષ્ટિક તત્વો ઉપલબ્ધ હોવાથી શરીરમાં ઈમ્યુનિટી પાવર વધે છે.
આચાર્ય ચરકે દ્રાક્ષનાં ગુણોની વિશેષ નોંધ લઈને જણાવ્યું છે કે જેમને તૃષા દર્દને મટાડવાની વાત માત્ર પાણી પીવાથી સંતોષાઈ જશે તેવું નથી. ઘણીવાર અતિશય ઝાડા થવા કે ઉલટીઓ થવી કે બંને સાથે થવા, અથવા તો શરીરમાંથી પરસેવા વાટે કે પછી વધુ પ્રમાણમાં પેશાબ નીકળી જવાથી ડિહાઇડ્રેશન થાય છે, જેને આયુર્વેદમાં તૃષા નામનું દર્દ કહે છે.
જે સ્ત્રીઓને માસિકસ્ત્રાવ વધુ પ્રમાણમાં આવતું હોય કે વારંવાર ગર્ભસ્ત્રાવ થતો હોય કે પછી શરીરમાં રહેલી તજા ગરમીને લીધે ગર્ભ ન રહેતો હોય એમણે બે કાળી દ્રાક્ષ, વરિયાળી, સાકરને સવારે પલાળીને બનાવેલું શરબત સાંજે પીવું અને સાંજનું પલાળેલું સવારના ભાગમાં પીવું જોઈએ. તેના પ્રમાણમાં ૧૫-૨૦ દાણા કાળી દ્રાક્ષ + ૧ ચમચી + સાકર લેવી. વળી, તમને જણાવીએ કે વરિયાળીમાં પ્રજાસ્થાપક નામનો એક વિશિષ્ટ ગુણ રહેલો છે, જેનો અર્થ એ થાય છે, ગર્ભનું સ્થાપન કરવું કે ગર્ભને ટકાવી રાખવું. બહુ ગુણી દ્રાક્ષ અને એથીય વધુ ગુણકારી પલાળેલી દ્રાક્ષનું સેવન નિયમિત કરવાથી તરોતાજા નિરોગી રહી શકશો.
