ગભરાશો નહીં જો તમને સગર્ભાવસ્થા દરમિયાન રક્તસ્રાવ થાય છે અને સ્પોટિંગ પણ થાય છે, જો આવું થતું હોય તો આ પ્રકારની સમસ્યાઓ થઈ શકે છે.
મોટાભાગની સ્ત્રીઓ વિચારે છે કે જો ગર્ભાવસ્થા દરમિયાન તેમને સ્પોટિંગ અથવા રક્તસ્રાવ થાય છે, તો તેનો અર્થ એ કે તેમની ગર્ભાવસ્થા સમાપ્ત થઈ ગઈ છે. પરંતુ આ બાબત હંમેશાં સાચું હોતું નથી. ગર્ભાવસ્થા દરમિયાન અન્ય ઘણા કારણોસર પણરક્તસ્ત્રાવ થઈ શકે છે.
કોઈ પણ સ્ત્રી માટે માતા બનવું એ વિશ્વનો સૌથી શ્રેષ્ઠ અનુભવ છે. પોતાના બાળકને 9 મહિના સુધી ગર્ભાશયમાં રાખી તેનું પાલન-પોષણ કરવું એ કોઈ સરળ કાર્ય નથી. આ સમય દરમિયાન, શરીરની અંદર ઘણા ફેરફારો થાય છે અને ઘણા પ્રકારના સારા અને ખરાબ અનુભવોનો પણ સામનો કરવો પડે છે.
પરંતુ જો તમે ગર્ભવતી છો અને તમને હળવા રક્તસ્રાવ અથવા સ્પોટિંગ દેખાય છે, તો તે કોઈને પણ પરેશાન કરી શકે છે અને ગભરાવી પણ શકે છે. જો કે, આ સ્પોટિંગનો અર્થ એ નથી કે તમારી ગર્ભાવસ્થામાં કંઇક ખોટું થઈ રહ્યું છે.
ઘણી સ્ત્રીઓ એવી છે કે જેમને ગર્ભાવસ્થા દરમિયાન હળવા રક્તસ્રાવ અથવા સ્પોટિંગ થતું રહે છે, આમ થતું હોવા છતાં, તેઓ એક સ્વસ્થ બાળકને જન્મ આપે છે.
ગર્ભાવસ્થાના 12 અઠવાડિયા સુધી, 25% સ્ત્રીઓમાં સ્પોટિંગ થાય છે. ડૉકટરો અને ગાયનેકોલોજિસ્ટનું કહેવું માનીએ તો, પ્રથમ ત્રિમાસિકમાં, એટલે કે ગર્ભાવસ્થાના પ્રથમ 3 મહિનામાં સામાન્ય રક્તસ્રાવ અથવા સ્પોટિંગ થવું એ ખૂબ સામાન્ય બાબત છે. લગભગ 25 ટકા સગર્ભા સ્ત્રીઓને હળવા રક્તસ્રાવ અથવા ગર્ભાવસ્થાના 12 અઠવાડિયા સુધી સ્પોટિંગ અનુભવે છે.
2010 ના એક અભ્યાસ મુજબ ગર્ભાવસ્થાના છઠ્ઠા અને સાતમા સપ્તાહમાં આ બાબત ખૂબ સામાન્ય જોવા મળે છે. પરંતુ નવી નવી માતા બનતી સ્ત્રીઓ ઘણીવાર આવી વસ્તુઓ જોઈને નર્વસ થઈ જાય છે.
સગર્ભાવસ્થા દરમિયાન થતા સ્પોટીંગનો રંગ અને પ્રવાહ બંને માસિક સ્રાવ દરમિયાન થતા રક્તસ્રાવ કરતા હળવા હોય છે અથવા તે સમયે ઘેરા બદામી પણ હોઈ શકે છે, અને લોહીની માત્રા એકાદ બે ટીપાં દેખાય છે.
ગર્ભાવસ્થામાં સ્પોટિંગ થવાનાં કારણો:-
સગર્ભાવસ્થા દરમિયાન સામાન્ય રક્તસ્રાવ અને સ્પોટિંગ થવાના ઘણા કારણો હોય છે.
જ્યારે ગર્ભ રોપવામાં આવે છે:-
ગર્ભાધાન, એટલે કે, વિભાવનાના 10 થી 12 દિવસ પછી, જ્યારે ગર્ભ ગર્ભાશયમાં ગર્ભ રોપવાનું શરૂ કરે છે, તે દરમિયાન હળવું રક્તસ્રાવ પણ થાય છે, જેને માસિક તરીકે પણ ગણી શકાય. પરંતુ તે ભાગ્યે જ 2 કે 3 દિવસ સુધી ચાલે છે, પીરિયડ્સની જેમ 5 થી 7 દિવસ નહીં.
યોનિમાર્ગનો ચેપ:-
કેટલીકવાર ગર્ભાવસ્થા દરમિયાન, સ્ત્રીઓને યોનિમાં ચેપ લાગી જાય છે, જેના કારણે હળવા લોહીનું સ્પોટિંગ જોવા મળે છે. જો કોઈ સ્ત્રીને ગર્ભાવસ્થા દરમિયાન યીસ્તનો ચેપ લાગે છે, તો તે સર્વાઇકલ રક્તસ્રાવ અનુભવી શકે છે.
જાતીય સંભોગ:-
ગર્ભાવસ્થાના બીજા અને ત્રીજા ત્રિમાસિક ગાળામાં, સર્વિક્સમાં સોજો આવે છે કારણ કે શરીરના આ ભાગમાં લોહીનો પુરવઠો વધે છે. આ સમય દરમિયાન, જો તમે તમારા જીવનસાથી સાથે ઘનિષ્ઠ થાવ છો અથવા કોઈપણ પ્રકારની જાતીય પ્રવૃત્તિ કરો છો, તો તે પણ સામાન્ય રક્તસ્ત્રાવ અથવા સ્પોટિંગમાં પરિણમી શકે છે.
કસુવાવડનું (મિસકેરેજ) જોખમ:-
જો કે સગર્ભાવસ્થા દરમિયાન થોડું ઘણું સ્પોટિંગ થવું એ સામાન્ય બાબત હોય છે, ત્યારે ગભરાવાની જરૂર નથી, પરંતુ કેટલીક વાર રક્તસ્રાવ અને સ્પોટિંગ થવું એ ખૂબ ગંભીર બાબત બની જાય છે અને તે કસુવાવડનું (મિસકેરેજ) કારણ બને છે. સામાન્ય રીતે ગર્ભાવસ્થાના 13 અઠવાડિયામાં સુધી માંજ કસુવાવડ થઈ શકે છે.
આવી સ્થિતિમાં, જો સ્પોટિંગ થવા સાથે ભારે ખેંચાણ અનુભવાય અને સામાન્ય સમયગાળાથી પણ વધુ રક્તસ્રાવ આવે છે, તો તરત જ ડ ડૉક્ટરનો સંપર્ક કરો કારણ કે આ કસુવાવડના (મિસકેરેજ) સંકેત હોઈ શકે છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
– તમારો જેંતીલાલ