ઓરી (Measles) ઇમ્યુનાઇઝેશન ડે 2020: બાળકો માટે ઓરીની રસી ખૂબ જ મહત્વપૂર્ણ છે, જાણો આ બીમારી કેમ જોખમી હોય છે?
બાળકો માટે ઓરીની રસી ખૂબ જ મહત્વની હોય છે:-
ઓરી એક ખૂબ જ ચેપી અને જીવલેણ રોગ છે, જે બાળકોમાં વધુ જોવા મળે છે. આને રોકવા માટે, જન્મના 1 વર્ષમાં ઓરીની રસી લેવી ખૂબ જરૂરી છે.
ઓરી એક ખૂબ જ ચેપી રોગ છે જે સામાન્ય રીતે નાના બાળકોને અસર કરે છે. ઓરીને જીવલેણ રોગ માનવામાં આવે છે. આખા વિશ્વમાં દર વર્ષે આશરે એક લાખ બાળકો પાંચ વર્ષથી પણ ઓછી ઉંમરે ઓરીના રોગને કારણે મૃત્યુ પામે છે. આજથી થોડા દાયકા પહેલા, આ રોગ નાના બાળકોમાં મૃત્યુનું સૌથી મોટું કારણ હતું.
ઓરીના રોગ માટે કોઈ વિશિષ્ટ સારવાર નથી, પરંતુ બાળકોને બાળપણમાં જ તેની રસી લગાવીને આ ગંભીર રોગથી બચાવી શકાય છે. બાળકોમાં ઓરી એ ભારત સહિતના તમામ વિકાસશીલ દેશો માટે એક ખૂબ જ મોટી સમસ્યા છે. આજે પણ, ઘણા લોકો માહિતીના અભાવને કારણે આ રસી અપાવી શકતા નથી. ઓરીની રસી પ્રત્યે લોકોને જાગૃત કરવાના ઉદ્દેશ્યથી જ દર વર્ષે 16 મી માર્ચે ઓરી (Measles) ઇમ્યુનાઇઝેશન ડેની ઉજવણી કરવામાં આવે છે.
ઓરીનો ફેલાવો ઝડપથી થાય છે:-
ઓરીનું જોખમ એવા બાળકો અને પુખ્ત વયના લોકો માટે સૌથી વધુ છે જેની રોગપ્રતિકારક શક્તિ (ઇમ્યુનિટી) ખૂબ ઓછી હોય છે. ખાસ કરીને, ઓરી એ ચેપગ્રસ્ત વ્યક્તિના મોંમાંથી નીકળતી લાળ, નાકના પ્રવાહી અથવા છીંક, ખાંસી દરમિયાન છૂટા પડેલા નાના ટીપાંના સંપર્કને કારણે થાય છે. સામાન્ય રીતે, તેનો વાયરસ 2 કલાક સુધી સક્રિય રહે છે અને આ સમય દરમિયાન તે તેની સાથે સંપર્કમાં આવતા વ્યક્તિને અસર કરી શકે છે. જો ઘરમાં કોઈ એક બાળક અથવા વ્યક્તિને ઓરી થયો છે, તો અન્ય સભ્યોમાં પણ તેનો ચેપ થવાની સંભાવના હોય છે.
ઓરીના લક્ષણોને કેવી રીતે ઓળખી શકાય?
શરીર પર ફોલ્લીઓ અને ચકામા થવા
સતત તાવ આવવો
ઝડપી અને સતત ઉધરસ આવવી
વારંવાર નાક વહેવું
આંખ લાલ થવી
સામાન્ય રીતે ઓરીના લક્ષણો 2 દિવસ પછી દેખાવાના શરૂ થાય છે. શરૂઆતમાં, આખા શરીર પર નાના નાના દાણા દેખાય છે. આ પછી, ખાંસી, તાવ અને નાક વહેવાની સમસ્યા શરૂ થાય છે. આ સ્થિતિમાં બાળકના શરીરનું તાપમાન 40 ° સે સુધી પહોંચી શકે છે. ઘણી વખત સ્થિતિ બગડતા દર્દીને સતત ઝાડા થાય છે અને એન્સેફાલીટીસ પણ થઈ શકે છે.
બાળકોને ઓરીની રસી ક્યારે અને કેવી રીતે અપાવવી જોઈએ?
ઓરીની રસી સામાન્ય રીતે 9 મહિનાથી 1 વર્ષની વય વચ્ચે બાળકોને આપવામાં આવે છે. આ પછી, તેનો એક બૂસ્ટર ડોઝ લાગુ કરવામાં આવે છે, જે 18 મહિનાથી 2 વર્ષ સુધીની વયે લાગુ કરવામાં આવે છે. ઘણી વાર, કેટલાક બાળકોને એક સાથે કેટલાક અન્ય જીવલેણ રોગોની રસી ઓરીના ઇન્જેક્શનમાં સાથે ઉમેરીને જ આપવામાં આવે છે. તેમાં 4 સંયોજનો હોઈ શકે છે.
1. ઓરી, ગાલપચોળિયાં અને રૂબેલા રસી (MMR)
2. ઓરી, રૂબેલા, ગાલપચોળિયાં અને નાની માતાની (ચિકનપોક્સ) રસી (MMRV)
3. ઓરી અને રૂબેલા રસી (MR)
4. એકલા ઓરીની જ રસી
બાળકોને બધી જ રસી અપાવવી જોઇએ:-
સામાન્ય રીતે બાળકોને 5 વર્ષ સુધીમાં જ 11 જીવલેણ બીમારીઓ માટે રસી આપવામાં આવે છે. તમને આ બધી રસી વિશેની માહિતી તમારી નજીકની સરકારી હોસ્પિટલમાં અથવા બાળકોની હોસ્પિટલમાં મળી રહેશે. આ રસીઓનો ઉપયોગ કરવાથી, બાળકોમાં રોગપ્રતિકારક શક્તિનો વિકાસ થાય છે અને તેઓ તમામ રોગોથી સુરક્ષિત પણ રહે છે. આ રસી ઘણી સરકારી હોસ્પિટલોમાં વિના મૂલ્યે જ આપવામાં આવે છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
– તમારો જેંતીલાલ