આપણાં ઘરમાં જ્યારે કોઈ નવું બાળક જન્મે ત્યારે પરિવાર આખાનું એ આકર્ષણનું કેન્દ્ર બની જાય. તે જેમ જેમ મોટું થતું જાય તેમ તેમ તેના માતા-પિતા જ નહીં કુટુંબના દરેક સભ્યો તેના પર ખૂબ વહાલ વરસાવે છે અને તેનું બહુ ધ્યાન પણ રાખે છે. નાનું બાળક જરાક માંદું પણ પડે તો બધાંનો જીવ ઊંચો થઈ જાય અને તે કંઈ નવું શીખે કે કંઈ જિજ્ઞાસાથી પૂછે તો બધાં હેંશે હોંશે તેને જવાબ આપે છે.
અમે આપને એક એવા જ લાડલા સ્ટાર કિડના વાઈરલ વિડિયોઝ લાવ્યા છીએ એ જોઈને તમને એ બાળક પરાણે પણ વહાલું લાગશે. કરિના કપૂર અને સૈફ અલિ ખાન જેવા સુપર સ્ટાર જેના મમ્મી પપ્પા હોય એ બચ્ચું તો સુપર ક્યુટ હોવાનું જ ને?
કહેવાય છે કે કરિના તેના બાળકની દેખરેખ રાખવા તેના કરિયર પર પણ પરત નથી ફરી. માતા બન્યા પછી તેની એક પણ ફિલ્મ નથી આવી તેમ છતાં એક દિવસ પણ એવો ન હોય કે તે કોઈ બોલિવૂડ ગોસિપ ન્યૂઝમાં કે સોશિયલ મીડિયામાં ચર્ચાઈ ન હોય.
આ વિડિયોમાં કરિના તૈમૂરને બાલ્કનીમાં બાંધેલો ઝૂલો ખવરાવે છે. તે અંદર કોઈ સાથે વાત કરતી હોય તેવું લાગે છે. ક્યારેક સેલિબ્રિટિઝને પણ સામાન્ય જીવન જીવતાં જોઈને એમ થાય કે તે પણ એક મા છે અને તેનું પણ અંગત જીવન છે…
આજે સૌથી વધુ ચર્ચાતું અને પસંદ કરાતું સ્ટાર કિડ હોય તો તે છે તૈમૂર. તે શાહિદ – મીરાના બાળકો મીશા અને ઝૈન તથા ઐશ – અભિની દીકરી આરાધ્યા કરતાં પણ વધુ પોપ્યુલર છે.
જેટલાં ફેન્સ કરિના – સૈફના નહીં હોય એનાથી અનેક ઘણાં તૈમૂરના ફેન્સ હશે. બેશક ! કેમ ન હોય…? આવું રૂપાળું, મોટી – મોટી આંખો અને કર્લી ભૂરા વાળવાળું બાળક પાપા પગલી કરતું હોય અને આમથી તેમ ચાલે તે પણ જોવાની ખૂબ મજા પડી જતી હોય છે.
તૈમૂરને કેમેરા સામે આવવાની મજા આવી જાય છે. ફટાફટ પડતા ફોટોઝ સામે આ વહાલુ બચ્ચુ મસ્ત પોઝ અને સ્માઈલ આપે છે. પણ તેના આ વિડિયોમાં એક ફેને લખ્યું છે કે બાળકની આંખમાં આમ ફ્લેશ લાઈટથી નુક્સાન થશે. જો કે તેની ચિંતા વ્યાજબી છે, નહીં?
તૈમૂરની સાથે સતત કોઈને કોઈ કેરટેકર કે કોઈ પરિવારનું વ્યક્તિ અને પેરેન્ટ હોય જ છે. એ જરાવાર પણ ઘરની બહાર નીકળે એટલે તેના ફેન્સ ટોળે વળીને તેને જોવા અને વિડિયો લેવા પડાપડી કરવા લાગે છે. પિતાના ખભ્ભે બેસીને કેવો એન્જોય કરે છે એ જોવા જેવું છે…
તૈમૂરને સામાન્ય બાળકની જેમ જ બધે ફરતો જોઈને મજા આવે છે. અહીં કરિના અને સૈફ કોઈની વાડીએ બકરી સામે રમતો જોઈ શકાશે આ વિડિયોમાં… અહીં તેની કાલા ઘેલા ઉચ્ચારો પણ સંભળાય છે…
આપણે પણ બાળક સાથે બાળક બની જઈએ અને તેને ઘેરીવળીને તેની સાથે મસ્તી કરી લઈએ છીએ. તૈમૂર હોળીની પિચકારી સાથે રમે છે એ બાલ્કનીમાંથી ફેન્સ લોકોએ વિડિયો કેપ્ચર કરી મૂક્યો છે. જુઓ તો ખરા પાણી ઉડાડતાં કેવો ખીલખીલાટ કરે છે!