કપીલ શર્મા બની ગયો પપ્પા, ઘરે આવી દીકરી
કોમેડી કીંગ કપીલ શર્મા આજે પિતા બની ગયો છે તેની પત્ની ગિન્નિ ચતરથે દીકરીને જન્મ આપ્યો છે. કપિલે પોતે જ પોતાના સોશિયેલ મિડિયા અકાઉન્ટ દ્વારા પિતા બનવાની માહિતી આપી હતી. અને કપીલે સમાચાર આપતાં જ તેના સાથી મિત્રોએ તેને શુભેચ્છાઓથી નવડાવી દીધો છે.
આજે સવારે લગભગ પાંચ વાગ્યે કપીલે પોતાના ટ્વીટર અકાઉન્ટ પર આ સમાચાર આપતું ટ્વીટ કર્યું હતું. “કન્યા જન્મથી ધન્ય થયા છીએ તમારા આશિર્વાદ આપો, બધાને પ્રેમ જય માતા દી.”
તેના આ ટ્વીટરની સાથે જ તેના પર શુભેચ્છાઓનો વરસાદ થયો હતો. ગુરુ રંધાવાએ કપીલને શુભેચ્છાઓ પાઠવતા લખ્યું હતું. પાજી ખુબ ખુબ શુભેચ્છા. હવે હું આધિકારિક રીતે કાકા બની ગયો છું. તો વળી કીકી શારદાએ પણ શુભેચ્છા પાઠવતા લખ્યું હતું કે તે સમાચાર સાંભળીને ખુબ જ ખુશ છે, બાળકનું સ્વાગત છે. તો વળી બેડમિન્ટન પ્લેયર સાઇના નેહવાલ અને એક્ટ્રેસ રકુલ પ્રીતે પણ કપીલને શુભેચ્છા પાઠવી હતી.
Blessed to have a baby girl 🤗 need ur blessings 🙏 love u all ❤️ jai mata di 🙏
— Kapil Sharma (@KapilSharmaK9) December 9, 2019
થોડા દિવસ પહેલાં કપીલ શર્માની પત્નીના બેબી શાવરની તસ્વીરો તેમના સાથી કલાકારો કરિશ્મા શાહ, ભારતી સિંહ વિગેરેએ પોતાના સોશિયલ મિડિયા અકાઉન્ટ પર શેર કરી હતી. અને થોડા મહિના પહેલાં કપીલ પોતાની પત્ની સાથે બેબીમૂન માટે કેનેડાનો પ્રવાસ પણ કરી આવ્યો હતો.
હમણા થોડા દિવસ પહેલાં જ કપિલે પોતાની પત્નીની ડીલીવરી ડેટનો ખુલાસો પોતાના ટ્વીટર અકાઉન્ટથી કર્યો હતો. તેણે અક્ષય-કરીનાની આવનારી ફિલ્મ ગુડ ન્યૂઝનો ફર્સ્ટ લૂક શેર કરતાં નીચે અક્ષયને સંબોધતાં લખ્યું હતું કે તમારી ગુડ ન્યૂઝ પહેલાં જ મારી ગુડ ન્યૂઝ આવી જશે. અને અક્ષય કુમારે પણ સામે તેને શુભેચ્છા પાઠવી હતી.
Congratulations brother ,,,,, so so happy for you , welcome to the little bundle of joy 🤗🤗🤗🤗🤗❤️❤️❤️❤️
— kiku sharda (@kikusharda) December 10, 2019
કપીલનો કોમેડી શો ધ કપીલ શર્મા શો હાલ સારું પ્રદર્શન કરી રહ્યો છે. તેને ફરી પાછો પ્રદર્શિત થયાને હવે એક વર્ષ થવા આવી રહ્યું છે. કપિલે પોતાના જીવનમાં ઘણી બધી ચડ ઉતર જોઈ છે અને હાલતે એક સ્થિર કેરિયર પર ચાલી રહ્યો છે. તેણે વર્ષો પહેલાં સ્ટેન્ડઅપ કોમેડિયન તરીકે પોતાની કારકીર્દીની શરૂઆત કરી હતી અને આજે તે ટેલીવીઝનનો એક અવ્વલ દરજાનો સ્ટાર બની ગયો છે. તેની એક એક શોની ફી કરોડો રૂપિયા છે. જો કે તેણે ફિલ્મોમાં પણ કિસ્મત અજમાવી પણ તેને ટીવી શો જેવી સફળતા તેમાં ન મળી શકી.
Bhaiya! Congratulations! 🤗♥️
— Bhuvan Bam (@Bhuvan_Bam) December 9, 2019
કપીલે સોની પર ધ કપિલ શર્મા શો સાથે પુનરાગમન કર્યા બાદ તે પોતાની કેરિયર અને પોતાના સંબંધોને લઈને ખુબ જ ગંભીર રહ્યો છે. તેણે જ્યારે પોતાની પત્નીની પ્રેગ્નન્સી જાહેર કરી હતી ત્યારે તેણે જણાવ્યું હતું, ‘હું હવે માત્ર મારી પત્નીનું ધ્યાન રાખવા માગું છું તેની સાથે બને તેટલો સમય પસાર કરવા માગું છું. અમે બન્ને આ સમાચારને લઈને ખુબ જ ખુશ છીએ પણ અમારાથી પણ વધારે ખુશ મારી માતા છે.
Congratulations paji .. poster is looking very nice, but my good news is coming before ur good news 😜 hahahaha, all the best team #GoodNews https://t.co/8mSvwblMSp
— Kapil Sharma (@KapilSharmaK9) November 14, 2019
હવે અમે માત્ર ગિન્ની અને બાળકના સ્વાસ્થ્ય વિષે જ વિચારી રહ્યા છે. અમે આવનારા મહેમાનનું સ્વાગત કરવા માટે ખુબ જ ઉત્સાહિત છીએ. જો કે અમને ખબર નથી કે દીકરો આવશે કે દીકરી એટલે અમે કંઈ ખરીદી નથી શકતા પણ હા અમે સામાન્ય ખરીદી તો શરૂ કરી જ દીધી છે.’
તમને જણાવી દઈએ કે કપિલ શર્માના લગ્ન ગયા વર્ષે ગિની ચતરથ સાથે 12 ડિસેમ્બરે અમૃતસર ખાતે થયા હતા. કપિલે તેના એક વર્ષ પહેલાં ગિન્ની સાથેના સંબંધનો ખુલાસો ટ્વિટર દ્વારા કર્યો હતો. આજે હજું તેમના લગ્નને એક વર્ષ પણ નથી થયું અને તેમને ત્યાં દીકરી રૂપે લક્ષ્મીજીની પધરામણી થઈ ગઈ છે. અમારા તરફથી પણ કપીલ શર્માને પુત્રીના જન્મ નિમિતે ખુબ બધી શુભકામનાઓ.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
– તમારો જેંતીલાલ