વિશ્વભરમાં ઘણાં એવા સ્થળો છે, જે તેમની ખાસ વિશેશતાના કારણે પ્રખ્યાત છે. આવી જ એક જગ્યા મેક્સિકો સિટીમાં છે, જેને ‘ઝોન ઓફ સાયલન્સ’ તરીકે ઓળખવામાં આવે છે. આ સ્થાન ખૂબ જ વિચિત્ર છે, જેના વિશે જાણીને તમે પણ આશ્ચર્યચકિત થઈ જશો. અહીં બનતી વિચિત્ર ઘટનાઓ જાણીને તમે સમજી શકશો કે સ્થળનું નામ ‘ઝોન ઓફ સાયલન્સ’ કેમ રાખવામાં આવ્યું?
ઝોન ઓફ સાયલન્સથી આશરે 25 માઇલ દૂર વસ્તી વસે છે. ત્યાં બધી સુવિધાઓ છે પરંતુ ઝોન ઓફ સાયલન્સ લોકોની પહોંચથી દૂર છે. અહીં ન તો કોઈ હોટલ છે અને ન તો કોઈ અહિ અવર જવર કરે છે. આનું કારણ આ સ્થાનું રહસ્ય છે. અહીં આવતાં જ તમારો દુનિયા સાથેનો સંબંધ તૂટી જાય છે.
ઇલેક્ટ્રોનિક ઉપકરણો અહીં આવ્યા પછી કામ કરવાનું બંધ કરી દે છે
અહીં અલૌકિક બાબત એ છે કે વિશ્વના તમામ ઇલેક્ટ્રોનિક ઉપકરણો આ સ્થાન પર આવતાની સાથે જ આપમેળે કાર્ય કરવાનું બંધ કરી દે છે. એવું કહેવામાં આવે છે કે અહીં કંઈક છે, જેના કારણે અહીં રેડિયો ફ્રીકવન્સી કામ કરતી નથી. આ સ્થાનને મેક્સિકોમાં ચિહુઆહુઆ રણ તરીકે ઓળખવામાં આવે છે. આજદિન સુધી, કોઈૉ જાણ શક્યું નથી કે ઇલેક્ટ્રોનિક ઉપકરણો અહીં આવ્યા પછી કેમ કામ કરવાનું બંધ કરી દે છે. આ સ્થળ વિશે બીજી ઘણી વસ્તુઓ કહેવામાં આવે છે.
વર્ષ 1938 માં અહીં પહેલી ઉલ્કા પડી હતી
જ્યારે અહીં ઉલ્કાઓ નીચે પડી હતી ત્યારે આ સ્થાન વિશ્વભરમાં ચર્ચામાં આવ્યું હતું. વર્ષ 1938 માં અહીં પહેલી ઉલ્કા પડી હતી. આ પછી, વર્ષ 1954 માં બીજી ઉલ્કા પડી હતી. ત્યારથી જ લોકો આ સ્થાન પર કંઈક વિચિત્ર હોવાનો દાવો કરે છે. એવું કહેવામાં આવે છે કે આ રહસ્યમય સ્થળે ઇલેક્ટ્રોનિક ડિવાઇસીસ નિષ્ફળ થવાના કારણનું સંશોધન ત્યારે કરવામાં આવ્યું જ્યારે અહીંથી પસાર થતા અમેરિકાનું એક ટેસ્ટ રોકેટ તુટી ગયું. આ પછી, જ્યારે વૈજ્ઞાનિકો આ સ્થળે પહોંચ્યા ત્યારે તેઓને જોઈને આશ્ચર્ય થયું કે દિશા કમ્પાસ અને જીપીએસ અહીં ચકરીની જેમ ફરી રહ્યા હતા.
આ એક પ્રકારનો ડાર્ક ઝોન હતો, જ્યાં ટીવી સિગ્નલ, રેડિયો, ટૂંકી તરંગ અથવા ઉપગ્રહ સંકેતો પહોંચી શકતા ન હતા. તુંરંત જ, ટીમે આ સ્થાનને ઝોન ઓફ સાયલન્સ નામ આપ્યું. ત્યારબાદ આ સ્થાન પર કેટલાય સંશોધન કરવામાં આવ્યા છે, પરંતુ અહીં ઉપકરણો કેમ કામ કરવાનું બંધ કરી દેશે તેની કોઈને જાણ થઈ શકી નથી. વર્ષ 1966માં જ્યારે કોઈ તેલ કંપની તેલની શોધમાં આવી ત્યારે આ સ્થળને ‘ઝોન ઓફ સાયલન્સ’ નામ આપવામાં આવ્યું. જ્યારે કંપનીના લોકોએ 50 કિલોમીટર સુધી ફેલાયેલા આ ક્ષેત્ર પર સંશોધન કરવાનું શરૂ કર્યું, ત્યારે તેઓ ખૂબ જ અસ્વસ્થ થઈ ગયા કારણ કે તેમના તમામ ઇલેક્ટ્રોનિક ઉપકરણો કામ કરવાનું બંધ કરી દીધુ હતું. તેમને એક પણ રેડિયો સિગ્નલ મળી રહ્યું નહોતું.
તુરંત જ, મેક્સિકન સરકારે અહીં એક વિશાળ પ્રયોગશાળા બનાવી, જેને ઝોન કહે છે. એવું કહેવામાં આવ્યું હતું કે અહિના રહસ્યોને જાણવા માટે આ લેબ બનાવવામાં આવી છે. ઉપરાંત, આ વિચિત્ર સ્થાનના વનસ્પતિ અને જંતુઓ પર પણ સંશોધન કરવામાં આવી રહ્યું છે. જોકે, એવી અટકળો વહેતી કરવામાં આવી રહી છે કે સરકાર અહીં કોઈ સિગ્નન ન હોવાનો લાભ લઈને કોઈ બીજા પ્રકારનું સંશોધન કરી રહી છે.
જો કે પ્રારંભિક સંશોધન બતાવી રહ્યું છે કે ઝોન ઓફ સાયલન્સમાં ચુંબકીય ગુણધર્મો છે, જેના કારણે તમામ ઉપકરણો અહીં બંધ થઈ જાય છે. જો કે, એનુ કારણ પણ નથી જાણી શકાયું કે આ ગુણ ધર્મો ક્યા કારણે છે. જો કે, તે બહાર આવ્યું છે કે આ સ્થાન પર આજથી લાખો વર્ષોથી એક સમુદ્ર હતો, જેનેhe Sea of Thetys નો સમુદ્ર કહેવામાં આવે છે. એટકે કે આ સ્થળ તે સમયે સમુદ્રની સપાટી રહી હશે.
ઝોન ઓફ સાયલન્સ વિશે સ્થાનિક લોકોની અલગ જ માન્યતા છે. તેઓ માને છે કે અહીં કેટલીક પરલૌકિંક શક્તિ અથવા એલિયન્સનો વાસ છે. તેઓ અહી તેઓ આકાશમાં કોઈ વિચિત્ર ચમક જેવી સતત વાતો કરતા રહે છે. તમને જણાવી દઈએ કે, અહીં રણના વિસ્તારોમાં પસંદગીની વનસ્પતિઓ જ છે, તેઓ સતત અગ્નિથી બળી રહી છે. આના કારણોની પણ શોધ કરવામાં આવી રહી છે. મેક્સિકોટ્રાવેલ્ડના એક રિપોર્ટમાં ટીવી ક્રૂનો પણ ઉલ્લેખ છે જે અહીં આવ્યા પછી ગભરાઈ ગયા હતા. પછી કેટલાક વિચિત્ર દેખાતા લોકોએ તેને બહારનો રસ્તો બતાવ્યો. તેમના ચહેરા ઢંકાયેલા હતા અને તેઓ લાંબા રેઇનકોટ જેવા પોશાક પહેરતા હતા, જે રણના ક્ષેત્ર માટે એક વિચિત્ર પોશાક હતો.
