વિટામિન એ તમારા સ્વાસ્થ્ય માટે ખૂબ જ મહત્વપૂર્ણ છે, જાણો કે તે તમારા માટે કેવી રીતે ફાયદાકારક છે?
બધાં પોષક તત્વોની જેમ જ આપણા શરીરને વિટામિન એની પણ જરૂર હોય છે, જે આપણને સ્વસ્થ રાખવા માટે ખૂબ જ મહત્વપૂર્ણ ભૂમિકા ભજવે છે.
આપણા શરીરમાં તમામ પોષક તત્ત્વોની માત્રા યોગ્ય પ્રમાણમાં હોવી જોઈએ, તો જ આપણે સ્વયંને સ્વસ્થ રાખી શકીશું.
તેમાંથી એક વિટામિન એ છે જે આપણા સ્વાસ્થ્યને સ્વસ્થ રાખવામાં ખૂબ જ મહત્વપૂર્ણ ભૂમિકા ભજવે છે. વિટામિન એ ત્વચા, હાડકાં અને શરીરના અન્ય કોષોને મજબૂત બનાવવાનું કામ કરે છે.
વિટામિન આપણા શરીરના તમામ અવયવોને સરળતાથી ચલાવવામાં મદદ કરે છે. જો કે તે આપણા આહારમાં વિવિધ સ્વરૂપોમાં હાજર રહેલું હોય છે, જો ક્યારેક તેમાં પણ અભાવ હોય તો તેની પરિપૂર્ણતા માટે ફક્ત કુદરતી સ્રોતોનો ઉપયોગ કરવો જોઈએ.
આ સાથે, તે આપણી રોગપ્રતિકારક શક્તિને સુધારે છે અને હૃદય, ફેફસાં, કિડની તેમ જ શરીરના અન્ય આવશ્યક ભાગોની સંભાળ રાખે છે. જો શરીરમાં વિટામિન એ ની ઉણપ જોવા મળે તો તે શરીરમાં ઘણી સમસ્યાઓ પેદા કરી શકે છે.
વિટામિન એ ના પ્રકાર:
વિટામિન એ મુખ્યત્વે બે પ્રકારનાં જોવા મળે છે. એક સક્રિય કે એક્ટિવ વિટામિન એ તરીકે અને બીજું બીટા કેરોટિન તરીકે. તમને જણાવી દઈએ કે સક્રિય વિટામિન એ ને રેટિનોલ પણ કહેવામાં આવે છે. બીજો વિટામિન ‘પ્રો વિટામિન એ’ છે જે ફળો અને શાકભાજીમાં જોવા મળે છે. જેને ‘કેરોટીનોઇડ’ તરીકે પણ ઓળખવામાં આવે છે.
વિટામિનનો એ નો ઉપયોગ:
સારા સ્વાસ્થ્ય માટે આ સૌથી મહત્વપૂર્ણ વિટામિન છે. તે આંખોને તેજ કરીને આંખના સ્નાયુઓને મજબૂત બનાવે છે. તે ગર્ભના સામાન્ય વૃદ્ધિ અને વિકાસ માટે ખૂબ જ સારો માનવામાં આવે છે. ત્વચા માટે સ્વાસ્થયકારક હોય છે. લોહીમાં કેલ્શિયમનું સ્તર જાળવવા અને હાડકાઓની વૃદ્ધિ માટે આવશ્યક છે. હાડકાં, દાંત અને પેશીઓની જાળવણી માટે જરૂરી છે. બધા કોષોને ઊર્જા ઉત્પન્ન કરવા માટે તેની જરૂર પડતી હોય છે.
વિટામિન એ ની ઉણપ:
વિટામિન એ ની ઉણપથી તમે તમારી દૃષ્ટિ પણ ગુમાવી શકો છો. આની સાથે તમારી આંખોમાં શુષ્કતા, શુષ્ક વાળ, શુષ્ક ત્વચા, વારંવાર શરદી, તાવ, થાક, નબળાઇ, અનિંદ્રા, ન્યુમોનિયા અને વજન ઓછું થવું જેવી સમસ્યાઓનો સામનો કરવો પડે છે. આ બધી સમસ્યાઓથી દૂર રહેવા માટે, તમારે તે વસ્તુઓ લેવી ખૂબ જ મહત્વપૂર્ણ છે જે વિટામિન એ ની ઉણપને પૂર્ણ કરે છે.
કેટલી માત્રામાં વિટામિન એ લેવું જોઈએ?:
તમે બધા જાણો છો કે વધારેમાં વધારે કંઈપણ લેવાનું આપણા માટે હાનિકારક હોઈ શકે છે. તેથી, કોઈપણ પોષક તત્ત્વો લેતી વખતે, તમારે એ ધ્યાનમાં રાખવું પડશે કે માત્ર યોગ્ય માત્રામાં જ એ પદાર્થનું સેવન કરવામાં આવે. તેવી જ રીતે, જ્યારે તમે વિટામિન એનો વધુ પ્રમાણમાં સેવન કરો છો, ત્યારે તે ઘણી સમસ્યાઓનું કારણ પણ બની શકે છે.
જેમ કે માથાનો દુખાવો, આંખોની દ્રષ્ટિમાં પરિવર્તન, ફરીથી થાકની લાગણી, ઝાડા, વાળ ખરવા, ત્વચા, હાડકા અને સાંધાનો દુખાવો પર અસર.
વિટામિન એ નાં સ્રોત:
બીટરૂટ, ગ્રીન્સ, સાગ,બ્રોકોલી, આખા અનાજ, પનીર, ચીઝ, માવાદાર ફળો, માખણ, ગાજર, મરચાં, મરી, ડેરી ઉત્પાદનો, લીલા પાંદડાવાળા શાકભાજી, ઇંડા, રાજમા, કઠોળ, માંસ, કેરી, સરસવ, પપૈયા, ધાણા, ચીકુ, વટાણા, કોળા, લાલ મરચાં, સી ફૂડ, સલજમ, ટામેટા, શક્કરિયા, તરબૂચ, મકાઈના દાણા, પીળો કે નારંગી રંગના ફળ, કૉડ લિવર તેલ વગેરે.
વધારે માત્રામાં વિટામિન એ લેવાથી શરીર પર ઘણી આડઅસર થઈ શકે છે જેમ કે, માથાનો દુખાવો, જોવામાં મુશ્કેલી, થાક, ઝાડા, વાળ ખરવું, ત્વચા બગડવી, હાડકા અને સાંધાનો દુખાવો વગેરે જેવી સમસ્યાઓ થઈ શકે છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
– તમારો જેંતીલાલ
