ડેટ પર જાઓ ત્યારે જરૂરથી કરો આ કામ પાર્ટનર થશે ઇમ્પ્રેસ !
આજના સમયમાં દોસ્તીથી આગળ વધવા છોકરો કંઈ પણ કરે તો પણ છોકરીને કંઈ જ ફેર પડતો હોતો નથી. જો તમે કોઈને પસંદ કરો છો તો તમે એને કોઈ પણ પ્રકારની હિચકિચાટ વગર ડેટ પર બોલાવી શકો છો પણ માત્ર એમાં એની પરમીશનની જરૂર હોય છે.
તમે એને ઇમ્પ્રેસ કરવા અલગ અલગ પ્લાન કરી શકો છો ,જે તમારી ડેટને સ્પેશિયલ બનાવે. આમ, તમારી પાર્ટનર પણ આ જોઈને ઇમ્પ્રેસ થઈ જશે. તો આજે અમે તમને એવું જ લિસ્ટ આપીશું
જે તમારી દરેક ડેટ પર ઉપયોગી થશે. જે તમારો સંબધ તમારા પાર્ટનર જોડે વધુ મજબૂત કરશે. તો જાણી લો તમે પણ ડેટ પર જઈને શું કરવું જેથી કરીને પાર્ટનર જલદી ઇમ્પ્રેસ થઈ જાય.
પિકનિક પર જાઓ
આપણે જાણીએ છીએ કે સારી ડેટ કોઈ રેસ્ટોરન્ટમાં થાય પણ જ્યારે તમે કોઇની સાથે પિકનિક પર જાઓ છો અને ત્યાં સમય વિતાવો છો ત્યારે તમે એના વિશે વધુ જાણી શકો છો અને આ ડેટ તમારા પાર્ટનરને પણ સારી લાગશે.
પાર્ટનરની તસવીર પેઈન્ટ કરાવો
જો તમે કોઈ તળાવ જેવી જગ્યા કે દિવસના સમયે ફરવા નીકળશો તો તમને ત્યાં કોઈ ચિત્ર બનાવવાળું મળી જશે જે સેલ્ફી કરતાં ઘણો સારો આઇડિયા છે.
ડાન્સ ક્લાસ
ડેટ પર જઈ રહ્યા છો તો ડાન્સ ક્લાસ જાઓ જેથી તમે ત્યાં તમારા પાર્ટનર જોડે ખૂબ એન્જોય કરી શકો અને તમને નવી કળા શીખવાનો પણ મોકો મળે.
એક સાથે ગીત ગાઓ
જો તમે એના પ્રેમમાં પાગલ થવા ઇચ્છો છો તો એક સાથે જરૂરથી ગીત ગાઓ, જે તમને તમારા બાળપણની યાદ અપવાશે અને તમારી ખુશી વધારી દેશે.
સાથે મળીને જમવાનું બનાવો
જો તમે બન્ને ઘરમાં જ આરામ કરવાનું પસંદ કરો છો તો ક્યાંય બહાર જવાની જરૂર નથી. બન્ને સાથે મળીને જમવાનો પ્લાન કરો જેથી કરીને ઘરે ડેટ થઇ જાય.
હાથને મુલાયમ રાખો
ડેટ પર જ્યારે પણ પાર્ટનર તમારો હાથ પકડે ત્યારે તેને અહેસાસ કરાવો કે તમારો હાથ ખૂબ જ નાજૂક અને મુલાયમ છે. તેને એનો હાથ આપના હાથમાં મોટો અને કઠોર લાગવો જોઇએ, તેનાથી તમારા પર પ્રેમ વધશે. હાથને મુલાયમ રાખવા માટે મેનીક્યોર કરો અને હંમેશા મોશ્ચરાઇઝર લગાવીને રાખો.
ડરામણી ફિલ્મ દેખો
જો તમે ફિલ્મ જોવાનું પસંદ કરો છો તો તમે કોઈ ડરામણી ફિલ્મ જોવો. જે તમને તમારા પાર્ટનરની નજીક લાવશે અને સાથે સાથે તમે એ પણ જાણી શકશો કે તમારા પાર્ટનરને કઈ વસ્તુનો ડર લાગે છે .
લોન્ગ ડ્રાઇવ પર જાવો
કોઈ પણ ડેટ માટે લોન્ગ ડ્રાઇવ એક બેસ્ટ ઓપ્શન છે જેનાથી તમને તમારા પાર્ટનરના ફેવરેટ ગીતો સાંભળવાનો મોકો મળશે અને તમે એની સાથે વધુ સમય વિતાવી શકશો.
આકાશમાં તારા નિહાળો
જો તમને રોમેન્ટિક વાતો કરવી પસંદ છે તો રાત્રે છત પર જરૂરથી જાઓ અને તારા જોઈને તમારા પાર્ટનરને દિલની બધી જ વાતો કરો.
ડ્રેસિંગ પર ધ્યાન આપો
પહેલીવાર જ્યારે તમે ડેટ પર જવાના હોવ ત્યારે યુવતીઓ હંમેશા એક્સાઇટમેન્ટમાં એવો ડ્રેસ પહેરી લે છે જેમાં તેઓ યોગ્ય રીતે બેસી નથી શકતા અને નથી યોગ્ય રીતે ચાલી શકતા.
પહેલી ડેટ પર એકદમ આરામદાયક કપડા પહેરીને જવું જોઇએ, જેથી આપને કપડાને લઇને કોઇ હેરાનગતી થાય નહીં.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
– તમારો જેંતીલાલ
