ઋતુ કોઈ પણ હોય મસાલેદાર અને ચટપટુ લગભગ બધા ને જ ભાવે .. ઉનાળા માં જ્યારે લીલા શાક માર્કેટ માંથી અદ્રશ્ય થઈ જાય ત્યારે આવા શાક જરૂર ટ્રાય કરવા..
આ સ્વાદિષ્ટ શાક બાજરા ના રોટલા, રોટલી, પૂરી કે પરાઠા સાથે પીરસી શકાય…જોકે મને આ શાક ખીચડી અને ભાત સાથે બહુ ભાવે ..
આ શાક બનાવવા આજે આપણે અહી સાદી અને સરળ રીત જોઈશું .. આશા છે આપ સૌને પસંદ પડશે
સામગ્રી :
૧૫-૧૭ નાની બટેટી
૬-૮ નાની ડુંગળી
૬-૭ મોટી ચમચી તેલ
બારીક સમારેલી કોથમીર
મસાલા માટે :
૧ વાડકો ચણા નો લોટ
પોની ચમચી ગરમ મસાલો
મીઠું
૧.૫ થી ૨ ચમચી લાલ મરચું
૧/૨ ચમચી હળદર
૩-૩.૫ ચમચી ધાણાજીરું
૨ ચમચી તેલ
રીત :
જાડી કડાય માં બેસન નેધીમી આંચ પર શેકો. હલાવતા રેહવું . લોટ ગુલાબી થાય ત્યાં સુધી શેકો. ગેસ બંધ કરી દો .. હવે એમાં બાકી ના મસાલા ઉમેરી સરસ મિક્ષ કરી ઠંડુ થવા દો . તેલ ઉમેરી મિક્ષ કરો ..
બટેટા અને ડુંગળી ને છાલ ઉતારી આડું ઉભું (+) રીતે કટ કરો . ચમચી થી આ કટ માં મસાલો ભરો .
non stick કડાય માં તેલ ગરમ કરો. હિંગ ઉમેરી ભરેલા બટેટા ઉમેરો. હાથ માં ૨-૩ ચમચી જેટલું પાણી છાંટો. મધ્યમ આંચ પર બટેટા બફાઈ ના જાય ત્યાં સુધી પકવતા રહો , વચ્ચે વચ્ચે હલાવતા રહો . બટેટા થઇ જાય એટલે ભરેલી ડુંગળી ઉમેરો . ફરી ૨-૩ ચમચી પાણી છાંટો .. ડુંગળી ને બાફતા વાર ના લાગે એટલા માટે આપણે બટેટા અને ડુંગળી ને સાથે વઘાર્યા નથી ..
વધેલો મસાલો પણ ઉમેરી દો . હલાવતી વખતે ધ્યાન રાખવું ડુંગળી છૂંદો ના જાય .. કોથમીર ભભરાવો અને ગરમ પીરસો..
રસોઈની રાણી : રૂચી શાહ (ચેન્નાઈ)
વિડિઓ રેસિપી પણ અવશ્ય જોશો..
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
- તમારો જેંતીલાલ