રેસ્ટોરન્ટ સ્ટાઇલ છોલે ચણા:-
• રોજ એકના એક શાકભાજી ખાઈને કંટાળીએ ત્યારે ઘણીવાર બધાને એવું મન થાય કે આજે તો હોટલમાં બને એવું પંજાબી સબ્જી મળી જાય તો મજા પડી જાય.
• આપણે સૌ એ પણ અચૂકથી જાણતા જ હોઈએ છીએ કે હોટલ માં બનેલી રસોઈ આરોગ્ય માટે બહુ જ ખરાબ હોય છે. તો પછી આપણે જાતે જ આપણા રસોડામાં પંજાબી સબ્જી બનાવી આપણા પરીવાર ને પીરસવામાં આવે તો બાળકો અને મોટા સૌને હોટલ જેવો જ સ્વાદ મળશે અને સાથોસાથ એમના સ્વાસ્થ્ય નું પણ જોખમ બચી જશે.
• આજે હું તમને છોલે ચણાની સબ્જી હોટલ જેવી ઘરે કઈ રીતે બનાવવી એ શીખવીશ તો ચાલો જોઈએ હોટલ કરતાં પણ ટેસ્ટી છોલે ચણાની રેસિપી જોઈએ.
• સામગ્રી :-
- • 1 વાટકી કાબુલી ચણા
• ગ્રેવી માટે –
- • ૩ સમારેલી ડુંગળી
- • 2 સમારેલા ટામેટાં
- • 2 લીલા મરચાં
- • 1 ટુકડો આદુ
- • 7-8 કળી લસણ
• વઘાર કરવા માટે –
- • 2 ચમચી તેલ
- • ½ ચમચી જીરું
- • ½ ચમચી હિંગ
- • ગ્રેવી
- • ½ ચમચી હળદર
- • 1 ચમચી લાલ મરચું પાવડર
- • 1 ચમચી ધાણાજીરું પાવડર
- • મીઠું ટેસ્ટ પ્રમાણ
- • 1 ચમચી છોલે મસાલો
- • કોથમીર ગાનિઁશ માટે
• રીત :-
સ્ટેપ 1 :-
એક બાઉલ કાબુલી ચણા ને ચોખ્ખા પાણી થી ધોઈને 10 -12 કલાક અથવા તો એક રાત પલાળી રાખવાના છે.
સ્ટેપ 2:-
પલાળીને રાખેલા ચણા ને કુકરમાં લઈને 6-7 સીટી વગાડી ને બાફી લઈશું.
સ્ટેપ 3:-
સમારેલા ડુંગળી, ટામેટા,લસણ,આદું અને મરચાં ને મિક્ષર જારમાં લઈને સ્મુથ ગ્રેવી બનાવવી.
સ્ટેપ 4:-
એક નોનસ્ટિક પેનમાં 2 ચમચી તેલ લઈને ગરમ કરવા મુકીશું. તેલ ગરમ થઈ જાય ત્યારે એમાં ½ ચમચી જીરું ઉમેરીશું ,થોડી હિંગ નાખીશું અને ગ્રેવી ઉમેરીને ગેસ ની ધીમી આંચ પર સાંતળી લઈશું .
સ્ટેપ 5 :-
ગ્રેવી કુક થઈ જાય અને એમાં થી તેલ છુટું પડે ત્યાં સુધી સાતળીશું.
સ્ટેપ 6:-
ત્યારબાદ તેમાં ½ ચમચી હળદર, 1 ચમચી લાલમરચું પાવડર ,1 ચમચી ધાણાજીરુ પાવડર , સ્વાદ પ્રમાણે મીઠું, અને 1 ચમચી છોલે મસાલો નાખીને સારી રીતે મિક્સ કરી દઈશું.અને ઢાંકણ ઢાંકી ને તેલ છૂટે ત્યાં સુધી ગ્રેવી ને કુક થવા દઈશું.
સ્ટેપ 7-
હવે ગ્રેવી કુક થઈ જાય અને તેલ છુટું પડે એટલે આપણે જે કાબુલી ચણા બાફીને રાખ્યા હતા એ ઉમેરી લઈને સારી રીતે મિક્સ કરી લઈશું.અને 5 થી 7 મિનિટ કુક કરીને ગેસ બંધ કરી દઈશું.
સ્ટેપ 8 :-
હવે આપણે સવિઁગ બાઉલમાં છોલે લઈને સવૅ કરીશું અને ઉપરથી કોથમીરથી ગાનિઁશ કરીશું.
તો મિત્રો રેસ્ટોરન્ટ જેવું જ ખૂબ જ ટેસ્ટી છોલે ચણાની સબ્જી રેડી છે. મિત્રો તમે પણ આ રેસિપી થી ઘરે જરૂરથી ટ્રાય કરજો ખૂબ જ ટેસ્ટી લાગે છે.આઈ હોપ તમને મારી આ રેસિપી ગમી હશે.તો ઘરે બનાવેલી પંજાબી સ્ટાઇલ માં છોલે ચણા બાળકો અને વડીલોને ખૂબજ ભાવશે સાથે સાથે ઘરે બનાવેલી હોવાથી સ્વાસ્થ્ય ને પણ નુકસાન નહીં થાય
નોંધ :-
• આ છોલે મા કસ્તૂરી મેથી પણ નાખી શકાય છે.
• અને જો છોલે નો મસાલો ના હોય તો ગરમ મસાલો પણ નાખી શકાય છે.
રસોઈની રાણી : ડિમ્પલ પટેલ
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – રસોઈની રાણી.