શિયાળામાં તલના તેલનો ઉપયોગ મહિલાઓને વિવિધ તકલીફોતી બચાવે છે
શિયાળામાં તલનું તેલ મહિલાઓનું અનેક પ્રકારે કરે છે રક્ષણ
તલનું તેલ શરીરને અનેક રીતે લાભ પહોંચાડે છે. તે પછી વાળનો ગ્રોથ વધારવો હોય, હાડકા મજબૂત બનાવવા હોય, કે પછી તેને પગના તળિયે ઘસીને શરીરને આરામ આપવો હોય.
શિયાળો આવતાં જ બજારમાં તલની ચીક્કી, લાડુડી અને કચરીયું મળવા લાગે છે. શા માટે ? કારણ કે શિયાળામાં તલ માનવ શરીરને અઢળક લાભ પહોંચાડે છે.
પણ આ જ તલનું તેલ શિયાળામાં ખાસ કરીને મહિલાઓને ઘણું બધું સ્વાસ્થ્ય રક્ષણ પુરુ પાડે છે. તમને જણાવીદઈએ કે તલનું તેલ વિવિધ પોષકતત્ત્વોની ખાણ છે.
તેમાં વિટામીન ઈ, બી કોમ્પ્લેક્સ, ખનીજ જેવા કે મેગ્નેશિયમ, કેલ્શિયમ, ફોસ્ફરસ તેમજ પ્રોટિન પણ પુરતા પ્રમાણમાં પ્રાપ્ત્ય છે. તે તમારા વાળને મજબુત બનાવે છે તો તમારી ત્વચાને પણ સ્નિગ્ધ અને ચમકીલી બનાવે છે.
તલના તેલમાં એન્ટીઓક્સિડન્ટ્સ પણ સારા પ્રમાણમાં હોય છે. અને તેના કારણે ખાસ કરીને શિયાળામાં જે વાયરલ ઇન્ફેક્શન કે પછી બેક્ટેરિયલ ઇન્ફેક્શન થતાં હોય છે તેનાથી મહિલા પોતાને બચાવી શકે છે.
આ સિવાય શિયાળાની કડકડતી ઠંડીમાં તલના તેલનું મસાજ અને તેનુ સેવન તમને ગરમાવો પણ આપે છે.
તો ચાલો જાણીએ મહિલાઓને તલના તેલથી શું ફાયદો થાય છે?
દાંતને મજબૂત બનાવે છે
જો તમે તલને તે પછી કાળા હોય કે ધોળા હોય તેને સવારે બ્રશ કરતાં પહેલાં એક ચમચી ચાવી જશો તો તમારા દાંત મજબૂત થશે. તેનાથી તમારા શરીરને અને તમારા દાંતને પુરતું કેલ્શિયમ મળી રહેશે.
તેની સાથે સાથે તમારા મોઢામાં જો ચાંદા પડ્યા હોય તો તલના તેલમાં ફરાળી મીઠુ ઉમેરી ચાંદા પર લગાવવાથી તે દૂર થાય છે.
હાડકા મજબૂત બને છે
શિયાળામાં એમ પણ શરીરને મોઇશ્ચરાઇઝરની જરૂર પડે છો જો તમે તમારા હાથ પગ અને શરીરને મોઇશ્ચરાઇઝ કરવા માટે મોંઘેરી ક્રીમ પુરી પાડતા હોવ તો તેની જગ્યાએ તમારે તલના તેલનું માલિશ કરવું જોઈએ.
તે મોઇશ્ચર પણ પુરુ પાડશે અને તેના માલિશથી હાડકા પણ મજબૂત બનાવશે.
અને જો તમારી સાથે સાથે નવજાત બાળકને પણ તલના તેલનું માલિશ કરવામાં આવે તો તેમના હાડકા પણ બાળપણથી જ મજબૂત બને છે.
આ ઉપરાંત તેમાં કેલ્શિયમ, આયર્ન, મેગ્નેશિયમ તેમજ સેલેનિયમ અને ઝિંક હોવાથીતે તમારા તેમજ બાળકના મસલ્સને પણ એક્ટિવ બનાવે છે.
શિયાળામાં ફાટતી એડીઓની સમસ્યા દૂર કરે છે
ફાટેલી એડીની સમસ્યાને દૂર કરવા માટે તમારે એક ચમચી તલનુ તેલ લેવું તેને હુંફાળુ ગરમ કરવું ત્યાર બાદ તેમાં ફરાળી મીઠુ અને થોડું મીણ ઉમેરવું. અને આ મિશ્રણને તમારી ફાટેલી એડીઓ પર લગાવો. ધીમે ધીમે ફાટેલી એડીઓ ઠીક થવા લાગશે.
સ્ટ્રેસ દૂર રાખે છે
જો તમને સતત માનસિક તાણ રહ્યા કરતી હોય તો તમારે તલના તેનું માલિશ કરવું જોઈએ. તેમા રહેલા વિટામીન્સ તેમજ ખનીજતત્ત્વો તમારી તાણ દૂર કરવામાં મદદ કરશે.
સૂડોળ બ્રેસ્ટ
જો તલના તેલથી મહિલાઓ બ્રેસ્ટ પર નીચેથી ઉપરની તરફ માલિશ કરે છે તો તેમની બ્રેસ્ટ સૂડોળ બને છે. તેમાં રહેલા વિટામીન એ અને ઈ હોવાથી તે બ્રેસ્ટને તણાયેલી રાખે છે.
વાળને ઉત્તમ પોષણ પુરુ પાડે છે
વાળને કાળા, ઘેરા અને લાંબા બનાવવા માટે તલનું તેલ ઉત્તમ છે. તેના માટે તમારે માથામાં જેટલું તેલ નાખતા હોવ તેટલું તલનું તેલ લેવું અને તેને હળવું ગરમ કરી લેવું.
હવે તેનાથી જ હળવા હાથે વાળમાં માલિશ કરવું. તેલથી માલિશ કર્યા બાદ તેને તેમ જ એક-ડોઢ કલાક રહેવા દેવું. અને ત્યાર બાદ વાળ નોર્મલ પાણીથી ધોઈ લેવા.
જો તમારા વાળ અવારનવાર ટુટી જતાં હોય એટલે કે તે મજબૂત ન હોય તો તલના તેલનું માલિશ તમારા વાળને મજબૂત બનાવશે.
મોઇશ્ચરાઇઝર તરીકે કરો ઉપયોગ
ઉપર જણાવ્યું તે પ્રમાણે તમે તલના તેલનો ઉપયોગ શિયાળા દરમિયાન ત્વચા જો રુક્ષ થઈ જતી હોય તો મોઇશ્ચર આપવા માટે પણ કરી શકો છો. તેનાથી ત્વચાને જરૂરી પોષણ પણ મળી રહેશે. તેમાં રહેલા વિટામીન બી અને વિટામિન ઈ ત્વચા માટે લાભપ્રદ છે.
ડાયાબીટીસ, હૃદય રોગ અને કેન્સરથી રક્ષણ આપે છે
આયુર્વેદમાં જણાવ્યા પ્રમાણે તલના તેલથી ડાયાબીટીઝની સારવાર થઈ શકે છે. તે ડાયાબીટીસના પેશન્ટ માટે બનાવવામાં આવતા ખોરાકમાં વાપરી શકાય છે. તે લોહીમાં શર્કરાના પ્રમાણને ઓછું કરે છે.
સાથે સાથે તેમાં એન્ટિઓક્સીડન્ટ્સ હોવાથી તે સિસ્ટોલિક અને ડાયસ્ટોલિક બન્ને બ્લડ પ્રેશરને ઘટાડે છે. આ ઉપરાંત તે શરીરમાં કેન્સરના સેલ્સના વિકાસની ઝડપને ઘટાડવામાં મદદરૂપ રહે છે.
ઘા રુઝાવામાં મદદ કરે છે
શરીરમાં જો ક્યાંય વાગ્યું હોય અને તેનો ઘા પડ્યો હોય તો તલને વાટીને તેમાં ઘી તેમજ કપૂરનો પાઉડર મિક્સ કરીને તે ઘા પર લગાવવાથી રાહત મળે છે અને ઘા જલદી જ રુઝાઈ જાય છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
– તમારો જેંતીલાલ