અમિતાભ અને જયા બન્યા કેટરિનાના માતાપિતા
કેટરિના કૈફે તાજેતરમાં કેટલીક તસ્વીરો પોતાના સોશિયલ મિડિયા અકાઉન્ટ પર શેર કરી હતી જેમાં તેણી સુંદર દુલ્હન બનેલી જોઈ શકાય છે. તેણીના આ લૂકે લોકોને ચકિત કરી મુક્યા હતા. આ બ્રાઇડલ લૂકમાં તેણી અત્યંત સૌંદર્યવાન લાગી રહી છે. પણ હવે જે તસ્વીર કેટરિનાની અમિતાભ અને જયા બચ્ચન સાથે જોવા મળી રહી છે તેનાથી તો તમને ઓર વધારે આંચકો લાગશે.
વાસ્તવમાં અમિતાભ બચ્ચન અને જયા બચ્ચન કેટરિનાના લગ્ન કરાવી રહ્યા છે. પણ તમે કંઈ આડું અવળું વિચારો તે પહેલાં અમે તમને જણાવી દઈએ કે અમિતાભ બચ્ચન, જયા બચ્ચન અને કેટરિના કૈફે તાજેતરમાં એક જાહેરાત શૂટ કરી છે. આ જાહેરાતમાં તમે કેટલાક સાઉથ ઇન્ડિયન દિગ્ગજ અભિનેતાઓને પણ જોઈ શકશો. જેમાં નાગાર્જુન, શિવરાજ કુમાર અને પ્રભુ તેમજ શિવાજી ગણેશનના દીકરાનો સમાવેશ થાય છે. આ વિષે તાજેતરમાં અમિતાભે પણ પોતાના સોશિયલ મિડિયા અકાઉન્ટ પર તસ્વીરો શેર કરી હતી.
તસ્વીર શેર કરતી વખતે અમિતાભે લખ્યું હતું. ‘જયા અને મારા માટે એક ઐતિહાસિક ક્ષણ… 3… નાગાર્જુન, દીકરો અકીનેની નાગેશ્વરા રાઓ, તેલુગુ શિવરાજ કુમાર – દીકરો ડો. રાજ કુમાર, કન્નડા પ્રભુ – દીકરો શિવાજી ગણેશન,તમિલ’
આ જાહેરાતમાં એક સાઉથ ઇન્ડિયન વેડિંગ બતાવવામાં આવી છે જેમાં અમિતાભ, જયા અને કેટરિના સંપૂર્ણ સાઉથ ઇન્ડિયન ટ્રેડિશનલ વસ્ત્રોમાં સજ્જ છે તો બીજી બાજુ સાઉથના સુપરસ્ટાર્સે પણ સુંદર વસ્ત્રો પહેર્યા છે. અમિતાભના ઇન્સ્ટાગ્રામ પરના ફેન પેજ પર બીજી પણ કેટલીક તસ્વીરો શેર કરવામાં આવી છે જેમાં એકમાં કેટરીનાને અમિતાભ લગ્ન મંડપ તરફ લઈ જઈ રહ્યા છે. તો બીજી તરફ અમિતાભ અને જયા નાચી રહ્યા છે.
આ જાહેરાત એટલી રિયલ લાગી રહી છે કે જ્યારે આપણને એ ભાન થાય છે કે તે એક રિયાલીટી નહીં પણ જાહેરાત છે ત્યારે આપણને એવી ઇચ્છા થઈ જાય છે કે તે કદાચ વાસ્તવિકતા હોત તો કેટલું સારું હોત.
T 3419 – – Historic moment for Jaya and me .. 3 superstar sons of 3 Iconic Legends of Indian Film Industry , work together with us .. what honour ..
Nagarjun – son Akkineni Nageshwara Rao, Telugu
Shivraj Kumar – son Dr Raaj Kumar, Kannada
Prabhu – son Shivaji Ganesan, Tamil pic.twitter.com/Plvtd372ZH— Amitabh Bachchan (@SrBachchan) January 24, 2020
હવે તમને એ પણ જણાવી દઈએ કે આ જાહેરાત બીજી કોઈ નહીં પણ અમિતાભ જેના બ્રાન્ડ એમ્બેસેડર છે તેવી કલ્યાણ જ્વેલર્સની છે. તેમની જ્વેલરી તો ચોક્કસ ઉત્તમ છે જ પણ અમિતાભથી માંડીને નાગાર્જુન સુધીના વસ્ત્રો પણ અત્યંત સુંદર અને આકર્ષક છે. અમિતાભે પર્લ વ્હાઇટ વેશ્ટી પહેરી છે, તો જયાએ સાઉથ ઇન્ડિયલ યેલો સાડી પહેરી છે. તો વળી બીજી એક તસ્વીરમાં તમે કેટરીનાને સાઉથ સિલ્કની ગ્રીન સાડીમાં પણ જોઈ શકો છો.
અમિતાભને સાઉથના દિગ્ગજ કલાકારો સાથે કામ કરવાનો મોકો મળતાં તેઓ પોતાની જાતને ધન્ય અનુભવી રહ્યા હતા. અને તેમનો આ અનુભવ કોઈ પણ જાતની અભિવ્યક્તિની પરે છે. તેમણે જણાવ્યું હતું કે મને આ ત્રણે મહાન કલાકારો સાથે કામ કરવાનો તેમજ તેમંને મળવાનો મોકો મળ્યો છે. મને શિવાજી ગણેશન અને ડો. રાજ કુમારની રીમેક્સમાં કામ કવરાનો મોકો મળ્યો છે તો નાગ એટલે કે નાગાર્જુને મને સૌભાગ્ય આપ્યું છે કે એક પ્રોજેક્ટમાં હું તેના લીજેન્ડરી પિતા અક્કીનેની નાગેશ્વરા સાથે કામ કરી શકું. પણ આ બધાથી વિશેષ એ છે કે અમે એકબીજા સાથે જે કૌટુંબિક બંધન માણી રહ્યા છે તે સુંદર છે. એવી ઘણી બધી વખાણવાલાયક ક્ષણો છે પણ તેને વર્ણવવાનો સમય નથી…’
‘હું તેમના ચરણ સ્પર્સ કરું છું, પણ માત્ર તેના માટે જ નહીં કે તેઓ શું છે પણ તેઓ તેમની પાછળ જે સિનેમેટિક વારસો છોડી જઈ રહ્યા છે તેના માટે પણ… અને આ સૌથી મહત્ત્વનું છે – તેમના વંશની રજૂઆતમાં તેમની હાજરીનું સાતત્ય !’
આમ જોનારા માટે ભલે આ કોઈ જ્વેલરીની જાહેરાત હોય પણ અમિતાભ બચ્ચન અને જયા બચ્ચન માટે આ એક અતુલ્ય અનુભવ રહ્યો છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !
– તમારો જેંતીલાલ