અજબ ગજબ: 54 હેકટરમાં ફેલાયેલા આ ગામમાં છેલ્લા 17 વર્ષથી આ વૃદ્ધા સિવાય નથી રહેતું કોઇ, કારણ છે આવું જોરદાર

દરેક મનુષ્ય એવી જગ્યાએ રહેવાનું પસંદ કરે છે જ્યાં કોઈને કોઈ રહેતું. કારણ કે મનુષ્ય એકબીજા વગર ક્યાંય રહી શકતો નથી. તેની પાછળનું કારણ તેમનો સામાજિક સ્વભાવ છે. પરંતુ આજે અમે તમને એક મહિલાની વાત કહેવા જઈ રહ્યા છીએ જે વર્ષોથી એક ગામમાં એકલી જ રહે છે. આ સ્ત્રી ખૂબ જ વૃદ્ધ છે અને તેની સંભાળ લેનાર પણ કોઈ નથી. તેમ છતાં આ મહિલા આ ગામમાં શાંતિથી રહે છે.

image source

ઘણીવાર એવું થાય છે કે કોઈ કુદરતી કારણસર ગામ સંપૂર્ણ નાશ પામ્યું હોય અને ત્યાં એકાદ વ્યક્તિ સિવાય કોઈ ન બચ્યું હોય. પરંતુ એવું ન બને કે કોઈ આફત પણ ન આવી હોય અને તેમ છતાં કોઈ વ્યક્તિ એકલા રહે. ઘણીવાર ગ્રામ્ય વિસ્તારમાં વીજળી, પાણી, આરોગ્ય અને રોજગાર જેવી પ્રાથમિક સુવિધાના અભાવને કારણે ગામની વસ્તી ઓછી થઈ જતી હોય છે. કારણ કે લોકો તે જગ્યાએથી બીજે રહેવા જતા રહે છે. પરંતુ ઉપરોક્ત કોઈ કારણ વિના પણ વિશ્વમાં એક એવું ગામ છે જ્યાં આખા ગામમાં ફક્ત એક મહિલા બાકી છે.

image soucre

આ ગામ આવ્યું છે અમેરિકાના નેબ્રાસ્કા રાજ્યમાં. આ ગામનું નામ મોનોવી છે. વર્ષ 2010 માં છેલ્લી વખત અહીં વસ્તી ગણતરી કરવામાં આવી ત્યારે કહેવામાં આવ્યું કે આ ગામમાં એક મહિલા જ રહે છે. તે પણ ખૂબ જ વૃદ્ધ છે. આ મહિલાનું નામ એલ્સી આઈલર છે. હાલમાં તેની ઉંમર 86 વર્ષની આસપાસ છે. તે આ ગામની સર્વેસર્વા છે. એટલે કે તે જ અહીંની મેયર, લાઈબ્રેરિયન અને બારટેંડર છે. જાણવા મળ્યાનુસાર આઈલર વર્ષ 2004થી આ ગામમાં એકલી જ રહે છે.

54 હેક્ટરમાં ફેલાયેલું આ ગામ એક સમયે આબાદ હતું. વર્ષ 1930 સુધી અહીં 123 લોકોની વસ્તી હતી. પરંતુ ત્યારબાદ ધીરે ધીરે આબાદી ઘટતી રહી અને વર્ષ 1980 સુધીમાં ગામમાં 18 લોકો જ રહ્યા. ત્યારબાદ 2000 સુધીમાં ગામમાં બે લોકો જ બચ્યા જેમાં એક આઈલર અને બીજા તેના પતિ રુડી હતા. પરંતુ વર્ષ 2004માં રુડીનું પણ મોત થયું ત્યારબાદથી આઈલર અહીં એકલી જ રહે છે.

image soucre

86 વર્ષની આઈલર અહીંની પ્રાકૃતિક સુંદરતા અને શાંતિનો આનંદ માણે છે. તે અહીં એક બાર ચલાવે છે જ્યાં અન્ય રાજ્યના લોકો પણ ફરવા માટે આવે છે. બહારથી આવતા લોકો તેની મદદ પણ કરે છે.

image source

આ ગામમાં એક પોસ્ટ ઓફિસ પણ હતી. પરંતુ ઘટતી આબાદી અને લોકોના સ્થળાંતરના કારણે તેને બંધ કરી દેવામાં આવી. રોજગારની ખામીના કારણે લોકો અહીંથી પરીવાર સાથે અન્ય શહેરમાં રહેવા જતા રહ્યા પરંતુ આઈલર અહીં જ આજ સુધી રહે છે.

અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.


વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.

નોંધ – દરેક ફોટો પ્રતીકાત્મક છે (ફોટો સોર્સ : ગુગલ)

આપણી માતૃભાષા 21મી સદીમાં પણ જીવંત રહે અને નવી પેઢીને એનો લાભ મળે એ માટે અમે રોજ નવી સ્ટોરી, રસપ્રદ લેખો, ઉપયોગી માહિતી, લાઈફ ઇઝી ટિપ્સ, નવી નવી વાનગીઓની વણઝાર તમારા ફેસબુકમાં લાવવા કટિબદ્ધ છીએ !

આ વેબસાઈટ પર આપેલી તમામ ન્યુઝ અને વાતો રિપોર્ટરે રિપોર્ટ કરેલા છે અથવા તો કોઈક સોર્સ ઉપરથી લેવામાં આવેલા છે કે જે દરેક લેખના અંતમાં આપેલો જ હોય છે. અમારો પ્રયત્ન તમને શ્રેષ્ઠ માહિતી સતત પહોંચાડવાનો છે અને રહેશે. આ ન્યુઝ તથા અન્ય વાતોની જવાબદારી જે-તે લેખક (રિપોર્ટર) તથા સોર્સની રહેશે જલ્સા કરોને જેંતીલાલ વેબસાઈટ કે પેજની રહેશે નહીં.

આપણું પેજ “જલ્સા કરોને જેંતીલાલ” માણતા રહો અને શેર કરતા રહો!

———–આપના સહકારની આશા સહ,

– તમારો જેંતીલાલ